Tuesday, 1 April 2014
Tuesday, 11 February 2014
LENGPUI WEEKLY
LENGPUI WEEKLY
Hmun hrang hranga awm te'n tualchhung chanchin an lo hriattheih nan Lengpui Weekly dt. 2/Feb. 2014 Issue hi ka'n post ang e .... johna pa
Headline : THAWHLEHNI ZANAH SECTION YMA HRUAITU THLAN TUR
Kan khawtlangah chhiattawk kan awm avangin kan hun ruatah Section YMA hruaitu kan thlang thei ta lo va. Chuvangin, kan remchan lohna awm te hria a, hun remchang dang kan hruaitu te’n an ruahmanah hian Lengpui Branch YMA hnuaia Section YMA hruaitu thar tur te thlan chhuah tur a ni a. He hunah hian Lengpui Branch YMA member a tam thei ang ber kal tura ngen leh hriattir kan ni e. A hnuaiah hian a hun leh hmun ruat thar tarlan a ni e.
A hun : 4 Feb., 2014 (Thawhlehni - 6:30 pm)
A hmun : Lengpui YMA Hall
BIALTU MLA LOKAL
Zirtawpni dt. 31/01/2014 khan Pu John Rotluangliana, bialtu MLA chuan Official visit neiin Lengpui a rawn tlawh a, vantlang inkhawm Lengpui VC buatsaihah thusawiin hun a hmang. Tun tuma Bialtu MLA bial fang hian a nupui leh afate a rawn hruai a, Party hruaitute bakah Tourism Deptt. Jt. Director-in a rawn tawiawm bawk. Pu Johna hian program siamin Mamit East Block huam chhunga khaw hrang hrang te a tlawh chhuak dawn a ni.
MISTIRI ASSOCIATION DIN A NI
Tun hnai khan Lengpui Mistiri hrang hrang te chuan pawl Lengpui Mistiri Association an din a, an hruaitu thar turin heng mite hi an thlang : -
President - Pu K. Chawngdailova (Ph-8972966547)
Vice President - Pu Pu F. Ramnunsanga
Secretary - Pu H. Zonunsanga (Ph-8014654337)
Asst. Secy - Pu V. Lalengliana
Treasurer - Pu Hmangaihzuala (Ph-9862 862146)
Fin. Secy - Pu H. Lalthazuala (Ph-9862366339)
He pawla member ni duh tan February 2014 chhung hian Cheng 50/- pein member a nih theih ang. Model Veng lam tan Pu H. Lalthazuala hnenah inpek tur a ni a. Venglai & Venghlui chu Pu Hmangaihzuala hnenah, Vengthar lam zawng chu Pu R. Lalvuana hnenah a inpek theih e.
Tualchhung :
SIKUL CHHUNZAWM DAWN
Lengpui Branch MHIP chuan an CRECH SIKUL chu an hawng chhunzawm leh dawn. He Sikul-a lut duh tan Admission Feb. 1-10, 2014 chhungin Pi T. Lalhunnghaki, Br. Secretary (Venglai) hnenah a tih theih ang. CRECH Sikul-a lut thei chin chu kum 3 an tling ngei tur a ni a, zirlai hi 30 chian an luh theih avangin a kal hmasa duhsak an ni dawn a ni.
HEALTHCARE BILL CHHUAK
A hnuaia tarlan te hian Office hun chhungin Lengpui PHC-ah Pi Lalremruati Murray hnenah an Health Care Bill an lam thei ang : Vanlalhlui, Dinthar; Lalhruaia, Kanan; Lalmuana, Kanan; Lalhmingliana, Model; PC Lalhmachhuana; Lalengmawia, Venghlui; Lalramnghaki, Venglai; Vanlalrawni; Lalrintluangi d/o Malsawmkimi;.
VAWK HRI DANNA PE DAWN
Lengpui KVK Ran Doctor chuan Vawk hri danna a pe dawn a, a duh tan Feb. 3 ral hmain VC Member te hnenah a in-report theih ang. Vawk 1 chiu man Rs. 50/- a ni dawn a ni.
LIRTHEI LEI THAR
Kar kalta khan Pu Hmangaihzauva, Venghlui chuan Sumo thar a lei a, hei hi Lengpui to Aizawl service tur ZD Travels a ni dawn a ni.
LUSUN KHAWHAR
Pi Thanchhingi (k-74) m/o Khawlsiama, Vengthar chu Thawhlehni 28/01/2014 zing dar 6:30 khan an chenna Inah Asthma vangin a boral. Pi Chhingi ruang hi hemi ni vek hian vui liam nghal a ni.
DIST.CHUNGCHANG THLEN
Lengpui VC chuan Jan. 29 khan GAD Secy. Pi M. Sathiyavathy, IAS chu a Office-ah an hmu a, Lengpui khua Aizawl District-a awm si, Mamit District hnuai atanga Department thenkhat awp kan la nih chungchang leh Aizawl lam tanga awp kan nih vek theih nana hmala turin an ngen. GAD Secy chuan Department hotu tinte hnenah a ranglama he thu hi bawhzui turin thuchhuah a siam nghal nia hriat a ni.
MODEL ENTU
Model Branch YMA, Lengpui chuan an Branch enkawl tur chanchinbu kartina chhuak tur ‘Model Entu’ tih chu vawiin atang hian an ti chhuak.
LENGPUI YMA LIBRARY THUTHAR
Lengpui YMA Library chu thla thar February 2014 atangin a hawn hun tih danglam a ni dawn a. Thawhlehni leh Inrinni zing dar 7:00 - 8:00 inkarah te hawn thin a ni ang.
Library member turin a inpek \an theih dawn a, a ni duh tan Cheng 10/- a ni ang a, lehkahbu hawh man pakhatah Cheng 5/- a ni tawh ang. Library member ni lo lehkhabu hawh duh tan a hawh theih ang a, hawh man chu lehkhabu pakhat zelah Cheng 10/- a ni thung ang.
LAWMTHU SAWINA
Inrinni dt. 25/01/2014-a hnatlanga Pi Rokimi In tur kan sakpui tum khan hnatlanga chhuak mi 103 lai mai kan awm theih avangin Lengpui Branch YMA chuan lawmawm a titakmeuh va. Hnatlanga chhuak zawng zawng te chungah lawmthu kan sawi tak meuh meuh a ni.
Tin, heng ahnuaia tarlan te hian inphal takin sum leh pai te leh hmanrua te an thawh hlawm a, an zavaia chungah Lengpui Branch YMA chu a lawm tak meuh meuh a ni.
Lengpui VC - Cheng 1000/-
Pu R. Thanngura - Cheng 200/-
Pi Rinliani, Venglai - Cheng 50/-
Pi Sangchhingi - Perek 2 kgs
Pu HL Zoramchhana - Perek 1 kg
Pu Vanneia - Perek 1 kg
Pu R. Lalbiakkunga - Perek 1 kg
Pu Lalrinthanga - Chini1 kg
Pu R. lalfakzuala - Chini 1 kg
Pu Khawvelthanga - Thingzai 2”x2” pathum,
Pu Vanlalawmpuia - Bangchehna Rawthing,
Pu Lalfakawma - A thlawnin rangva min phurh thlensak,
Sd/- Vanlalrawna
Secretary, Lengpui Branch YMA
LYMA HRIATTIRNA
Kan khawtlangah chhiattawk kan awm avangin kan hun ruatah Section YMA hruaitu kan thlang thei ta lo va. Chuvangin, kan remchan lohna te hria a, a hnuaia hun leh hmun ruat tharah hian kum 2014 chhunga Lengpui Branch YMA hnuaia Section YMA hruaitu thar thlan tur a ni. He hunah hian Lengpui Branch YMA member a tam thei ang ber kal tura ngen leh hriattir kan ni e.
A hun : 4 Feb., 2014 (Thawhlehni - 6:30 pm)
A hmun : Lengpui YMA Hall
Tin, kumin 2014 hian chhungtinah Chhiatni Fund chhungkaw khatah Cheng 150/- zela khawn leh ni se tia rel a nih tawh angin, Lengpui Branch YMA huam chhunga In tinah kan hruaitu te’n an rawn khawn leh dawn a. Chhiatni Fund pawimawhna hriaa, tlawmngai taka lo pe theuh turin chhungtin te kan inngenin kan inhriattir hmasa a ni e.
Sd/- David Lalnunmawia
Asst. Secy., Lengpui Br. YMA
LENGPUI BR. YMA HNUAIA CHHIATNI THATNI INKAIHHRUAINA DAN 2014
CHHIATNI LAM
1. Kuang : Kum tinin Intinah thlanmual fund a khawn thin ang a, kan khawtlangah thihna tawk an awmin YMA in kuang a siam thin anga. Thlanmual fund hi Branch Committee in tul a tih zat a khawn thin ang
2. Thil khawn : Kan Branch huam chhungah thihna tawk an awmin Intinah thingfak 2 leh buhfai no 1 khawn tur a ni a, thingfak nei lo chuan Rs.5/- pek tur a ni.
3. Thingpui sem : Mitthi an awmin thingpui senthlum sem tur a ni anga, ruang thlak zan atanga zan thum chhung chu zan lamah thingpui sen hang/ tuisik chauh sem tur a ni. Lumen zanah tlaivar tan YMA in thingpui hmeh a siam thin ang.
4. Thlanlaih / Invui : Chawhma dar 9:00 hma lama mitthi an awmin thlan laih tur a ni a, khual khua/ hmun dang a zan dar 12:00 hma lama thi chu a tukah vui ngei ni se, he mi hnu lama thi pawh vui hman tur chi chu vui thin a ni bawk ang.
5. Invui hun : Tul bik thil a awmte a nih loh chuan lumen chu chhun dar 12:00 ah vui a ni anga, lumen loh chu chawhnu dar 1:00 ah vui a ni ang
6. Khawhar Inriahpui : Khawhar inriah hi zan thum nise, a zankhatnaah Section YMA hruaitute kaihhruainain hunserh hman thin nise. Tin, khawhar riahpui hi khawhar awmna section mawhphurhnaah dah a ni ang. Hei hian thian tha leh laina a huam lovang.
7. Thlan vur : Thlan vur hi mitthi awmna Section tlangvalte mawhphurhna bik a ni ang.
8. Hlamzuih : Central YMA inkaihhruaina angin thla thum (Ni 90) tlinglo chin mitthi hlamzuiha ngaih a ni ang. A duh tan thlanmualah inphum theih a ni ang a, a duh tan Kuang tur thingzai phek pawh YMA hnenah a lam theih ang.
9. YMA bungrua : YMA bungruate chhiatna lamah hawh man awm lovin hman theih a ni ang
10. Member boral thlah dan : Lengpui YMA member boral an awm chuan member ten puandum nen an thlah ang a, kuangah pangpar dah a ni ang.
Lenglai bikah chuan YMA flag nena thlah a ni ang a; amaherawhchu, ruihtheihthil avanga boral leh mahni intihlum te a huam lovang.
11. Khawhar lenpui : Kan Branch huam chhungah chhiat (thihna) tawk an awmin YMA member ten zan thum chhung khawhar an lenpui anga, kaihhruaina hna an thawk nghal ang.
12. (a) Ruanghlawm : Lengpui khaw mi leh sa ni lo, Lengpuia chhiat tawkte tupawhin ruang hi hlawmin buaipui mahse khawntesep ang chu tih a ni lovang.
(b) Khawdang mi, vai leh foreigner huam lovin Lengpuia a thisen zawmpuiten a ruang an hlawm chuan tualchhung mi anga sawngbawl an ni ang
13. Thlan hung : Thlan enkawl dan chungchangah hian Sub-Committee thu ngaihchan mek a ni a, a rang lama puanzar thuai a ni ang.
14. Thlan hmun : Thlanmual in-charge te ruahmanna tihbuai thei zawng chuan tumahin thlan laihna tur hmun an thlan phal a ni lovang.
15. Mitthi ralna : Ruang awmnia mitthi ralna thlakna tur bawm dawh a ni ang. YMA zan (zan thum) ah chuan a pangngaia bawm khai chhunzawm zel a ni ang.
16. Thalak zat bituk : Hun heh lo thei ang bera thlalakna hun hi kan hman theih nan inzirtir nise.
17. Inphum thuah : Thlanmual in-charge leh Branch hruaitute kutah dah a ni.
18. Thlanmuan fund hman dan : Chhiat tawk an awm a ruang lumennaah thingpui leh a hmeh / sawhchiar siam thin tur a ni a, a buatsaih leh siam kawngah Section YMA in mawh a phur ang.
Kuang siam chu puana tuam nghal tur a ni a. Thlanmuala tlangval thlanlai te tan thingpui/theitui buatsaih ni se, Thlanmual Sub-Committee te’n an enkawl ang. Heng senso te hi thlanmual fund atanga pek tur a ni.
THATNI LAM
1. Inneih : YMA member, Kohhran hriatpuinaa innei an awm a, Branch YMA an sawm chuan Rs.300/- emaw a hu tawk emaw a lawmpui thin a ni ang.
2. Bungraw hawh theih dan : Thatniah YMA bungruate hi hawh theih a ni anga, bungraw hawh man pawh hetiang hi a ni ang.
Thutthlengsei - Pakhat Cheng 1/- zel
Dekchi lian ber - Cheng 100/-
Dekchi lian dang 2 - Pakhat Cheng 50/- zel,
Tea-Urn - Pakhat Cheng 50/- zel,
Guitar - Cheng 50/-
Silpauline - Pakhat Cheng 20/- zel,
Bungruate hi thatna lamah ni thum chhung hawh theih a ni anga, chhiatna lamah ni sarih chhung hawh/hman theih a ni anga, hman man a awm lo vang. Tin, lungphun leh thlanthutnaah ni 3 chhung hawh theih a ni ang, hawh/hman man a awm lovang.
3. YMA bungraw hmangtuten hawh theih hun chhung a ral veleh bungraw dahnaah an dah kir tur a ni a. Hun tiam chhunga an dah kir loh chuan ni 1-ah Rs.10/- zel item tinah an chawi belh ang. Tin, bungraw hawhtute’n a bo leh chhiat thuah mawh an phur ang.
4. Bungraw hmang duh tur te’n Property Sub-Committee hnenah dilna ziaka pek thin tur a ni.
5. Chhiatna lamah bungraw hawh man a awm lovang. Bungraw la chhuaktuten Property in-charge/Sub-Committee hnenah report fel tak an pe thin tur a ni.
Issued by Lengpui Branch YMA : January 2014
(NB : He Chhiatni-Thatni inkaihhruaina hi Jan. 15, 2014 atang khan hman tan nghal a ni)
Sports : Vawiin BPL inkhel turte
West Brom V Liverpool - 7:00 pm
Arsenal V Crystal Palce - 9:30 pm
Thawhtanni Zan - Feb. 3, 2014 (1:30)
Manchester City V Chelsea FC
Inrinni - Feb. 8, 2014
Liverpool FC V Newcastle - 6:15 pm
Sunderland V Hull City - 8:30 pm
Crystal Palace V West Brom - 8:30 pm
Astonvilla V West Ham - 8:30 pm
Norwich City V Man. City - 8:30 pm
Southampton V Stoke City - 8:30 pm
Chelsea V Newcastle - 8:30 pm
Swansea City V Cardiff City - 11:00 pm
TENNIS : AUSTRALIAN OPEN
Pathianni kalta Australian Open Tennis Championship 2014 zawh fel takah chuan mipa leh hmeichhe singles-ah te champion thar an awm a. Mipa final-ah Swiss tlangval, Stanislas Warinka chuan World No. 1 leh Seeded No.1 nibawk Spaniard Rafael Nadal chu 6-3,6-2, 3-6,6-3 a hnehin a champion. Hmeichhe lamah chuan Chinese nula Li Na a champion ve bawk.
FINAL ROUND LUT
68th National Football Championship for Santosh Trophy (Northeast Zone) Group A atangin Mizoram chuan a tumpui te hneh vekin final round Feb. 24 atanga khelh tan tur atan a inhlang kai.
Fakna & Hriattirna :
Lengpui VC Hriattirna
1. Govt. M/S I thlang mual ramri buai chu chinfel a nih dawn vangin January 2014 chhung ngeiin mahni ram theuh vah fai vek tur a ni.
2. MGNREGA Job Card nei, Bank-a Account la hawng lo zawng zawng te VC hnenah a rang lama in-report vek tur a ni. Bank Account nei lo te Job Card chu BDO hnenah an Job Card thehluh a, paihsak an ni dawn a ni.
3. VC Sitting chu Thawhtanni dt. Feb. 3, 2014 khian neih a ni dawn a. Thu thehluh tur nei te leh rawtna thehlut tur chuan Feb. 2, 2014 thleng VC Secretary hnenah emaw, a hnuaia hming ziaktu hnenah emaw an thehlut thei ang.
Sd/- H. LALREMRUATA
President, Lengpui Village Council
ADVERTISEMENT
Kum 2014 chhunag thawk turin Lengpui Branch MHIP chuan an CRECH Sikul-a thawk tur a la thar dawn a. He hnathawk duh tur chuan Feb.1-10, 2014 chhungin a hnuaia hming ziaktu hnenah hian plain paper-a ziakin dilna a thehluh theih ang. Diltu chu thiamna lamah Matric/HSLC passed chin an ni tur a ni a. Feb. 11, 2014 (Thawhlehni - 10:00am)-ah CRECH Sikul-ah Interview neih a ni ang.
Sd/- T. Lalhunnghaki
Secretary, Lengpui Branch MHIP
::: sms Huang :::
(sms thawnna tur - 9862 180 133)
## VDP active member te hi chu ruihhlo lakah fihlim thei hram se a tha ngawt ang. .... fr : Nambar thup
## Zan lama nupa inhau bengchheng thei lutuk te kha lo ziaawm ve tawh teh u. Inthenawm nih a hahthlak thei em mai . ... fr : Nambar thup
## Veng hmawr lama ruihhlo zalen thin lutuk hi chuan khua a timawi lovin, helai hnai vaia cheng te tan a hahthlak thin hle mai. siamthat kanngai e .... fr : Fanai
## Bialtu MLA chu a fel hle mai. Khawtlang hamsawn nan theih tawp han chhuah se la, keini lam paw’n i finchhuah ang u. ... fr: Behbuha
## Thlan lai hi za tlin a chakawm hle mai. Thlan lai rual te insangmar ang u khai... fr : Pu Chhuana
Editorial : Kristianna leh Tlawmngaihna
Kan Kristian zirtirna laipui ber chu hmangaihna hi a ni. Chu chu Pathian atanga intan a ni a. Hmangaihna chu thu maia sawifel chi a ni lova, thiltiha lantir chi a ni. Tirhkoh Paula chuan hetiangin hmangaihna a sawifiah, “Hmangaihnain a dawhthei a, ngil a nei bawk thin. Hmangaihna a infak lova, a thinur duh lova, sual lam a ngaihtuah lova; fel lohnaah a lawm lova, thutak erawh chu a lawmpui thin a; engkim a tuar hram hram a; engkim a ring a, engkim a beisei a, engkim a tuar chhuak thin. (I Kor 13:4-7). “Hmangaihna” tih aiah hian “tlawmngaihna” hi dah ta ila. Hetiangin chhiar ta ila, hmangaihna leh tlawmngaihna inanzia a lang chiang awm e.
Tlawmngaihnain a dawhthei a ngil a nei bawk thin, tlawmngaihna a infak lova, a uang lova, a che mawi lo lova, mahni hma a sial lova, a thinur duh lova, sual lam a ngaihtuah lova; fel lohnaah a lawm lova, engkim a ring a, engkim a beisei a, engkim a tuar chhuak thin.
Tlawmngaihna hi Mizo Culture-a Kristian kan nih hma pawha Chanchintha a tih theih a ni. Kristian dik tak chu an tlawmngai tur a ni. Kristian ni si tlawmngai lo chu Kristian tha an awm thei lovang. Lal Isua Krista kha tlawmngai chung chuang a ni a, a hniakhnung zuitute chu kan tlawmngai tur a ni. Chu chu YMA thiltum pawh a ni.
(Thlalak : Pi Rokimi In, Lengpui Kanan Venga Lengpui Br. YMA te'n kan sakpui chu @ Inrinni - Jan. 25, 2014)
Hmun hrang hranga awm te'n tualchhung chanchin an lo hriattheih nan Lengpui Weekly dt. 2/Feb. 2014 Issue hi ka'n post ang e .... johna pa
Headline : THAWHLEHNI ZANAH SECTION YMA HRUAITU THLAN TUR
Kan khawtlangah chhiattawk kan awm avangin kan hun ruatah Section YMA hruaitu kan thlang thei ta lo va. Chuvangin, kan remchan lohna awm te hria a, hun remchang dang kan hruaitu te’n an ruahmanah hian Lengpui Branch YMA hnuaia Section YMA hruaitu thar tur te thlan chhuah tur a ni a. He hunah hian Lengpui Branch YMA member a tam thei ang ber kal tura ngen leh hriattir kan ni e. A hnuaiah hian a hun leh hmun ruat thar tarlan a ni e.
A hun : 4 Feb., 2014 (Thawhlehni - 6:30 pm)
A hmun : Lengpui YMA Hall
BIALTU MLA LOKAL
Zirtawpni dt. 31/01/2014 khan Pu John Rotluangliana, bialtu MLA chuan Official visit neiin Lengpui a rawn tlawh a, vantlang inkhawm Lengpui VC buatsaihah thusawiin hun a hmang. Tun tuma Bialtu MLA bial fang hian a nupui leh afate a rawn hruai a, Party hruaitute bakah Tourism Deptt. Jt. Director-in a rawn tawiawm bawk. Pu Johna hian program siamin Mamit East Block huam chhunga khaw hrang hrang te a tlawh chhuak dawn a ni.
MISTIRI ASSOCIATION DIN A NI
Tun hnai khan Lengpui Mistiri hrang hrang te chuan pawl Lengpui Mistiri Association an din a, an hruaitu thar turin heng mite hi an thlang : -
President - Pu K. Chawngdailova (Ph-8972966547)
Vice President - Pu Pu F. Ramnunsanga
Secretary - Pu H. Zonunsanga (Ph-8014654337)
Asst. Secy - Pu V. Lalengliana
Treasurer - Pu Hmangaihzuala (Ph-9862 862146)
Fin. Secy - Pu H. Lalthazuala (Ph-9862366339)
He pawla member ni duh tan February 2014 chhung hian Cheng 50/- pein member a nih theih ang. Model Veng lam tan Pu H. Lalthazuala hnenah inpek tur a ni a. Venglai & Venghlui chu Pu Hmangaihzuala hnenah, Vengthar lam zawng chu Pu R. Lalvuana hnenah a inpek theih e.
Tualchhung :
SIKUL CHHUNZAWM DAWN
Lengpui Branch MHIP chuan an CRECH SIKUL chu an hawng chhunzawm leh dawn. He Sikul-a lut duh tan Admission Feb. 1-10, 2014 chhungin Pi T. Lalhunnghaki, Br. Secretary (Venglai) hnenah a tih theih ang. CRECH Sikul-a lut thei chin chu kum 3 an tling ngei tur a ni a, zirlai hi 30 chian an luh theih avangin a kal hmasa duhsak an ni dawn a ni.
HEALTHCARE BILL CHHUAK
A hnuaia tarlan te hian Office hun chhungin Lengpui PHC-ah Pi Lalremruati Murray hnenah an Health Care Bill an lam thei ang : Vanlalhlui, Dinthar; Lalhruaia, Kanan; Lalmuana, Kanan; Lalhmingliana, Model; PC Lalhmachhuana; Lalengmawia, Venghlui; Lalramnghaki, Venglai; Vanlalrawni; Lalrintluangi d/o Malsawmkimi;.
VAWK HRI DANNA PE DAWN
Lengpui KVK Ran Doctor chuan Vawk hri danna a pe dawn a, a duh tan Feb. 3 ral hmain VC Member te hnenah a in-report theih ang. Vawk 1 chiu man Rs. 50/- a ni dawn a ni.
LIRTHEI LEI THAR
Kar kalta khan Pu Hmangaihzauva, Venghlui chuan Sumo thar a lei a, hei hi Lengpui to Aizawl service tur ZD Travels a ni dawn a ni.
LUSUN KHAWHAR
Pi Thanchhingi (k-74) m/o Khawlsiama, Vengthar chu Thawhlehni 28/01/2014 zing dar 6:30 khan an chenna Inah Asthma vangin a boral. Pi Chhingi ruang hi hemi ni vek hian vui liam nghal a ni.
DIST.CHUNGCHANG THLEN
Lengpui VC chuan Jan. 29 khan GAD Secy. Pi M. Sathiyavathy, IAS chu a Office-ah an hmu a, Lengpui khua Aizawl District-a awm si, Mamit District hnuai atanga Department thenkhat awp kan la nih chungchang leh Aizawl lam tanga awp kan nih vek theih nana hmala turin an ngen. GAD Secy chuan Department hotu tinte hnenah a ranglama he thu hi bawhzui turin thuchhuah a siam nghal nia hriat a ni.
MODEL ENTU
Model Branch YMA, Lengpui chuan an Branch enkawl tur chanchinbu kartina chhuak tur ‘Model Entu’ tih chu vawiin atang hian an ti chhuak.
LENGPUI YMA LIBRARY THUTHAR
Lengpui YMA Library chu thla thar February 2014 atangin a hawn hun tih danglam a ni dawn a. Thawhlehni leh Inrinni zing dar 7:00 - 8:00 inkarah te hawn thin a ni ang.
Library member turin a inpek \an theih dawn a, a ni duh tan Cheng 10/- a ni ang a, lehkahbu hawh man pakhatah Cheng 5/- a ni tawh ang. Library member ni lo lehkhabu hawh duh tan a hawh theih ang a, hawh man chu lehkhabu pakhat zelah Cheng 10/- a ni thung ang.
LAWMTHU SAWINA
Inrinni dt. 25/01/2014-a hnatlanga Pi Rokimi In tur kan sakpui tum khan hnatlanga chhuak mi 103 lai mai kan awm theih avangin Lengpui Branch YMA chuan lawmawm a titakmeuh va. Hnatlanga chhuak zawng zawng te chungah lawmthu kan sawi tak meuh meuh a ni.
Tin, heng ahnuaia tarlan te hian inphal takin sum leh pai te leh hmanrua te an thawh hlawm a, an zavaia chungah Lengpui Branch YMA chu a lawm tak meuh meuh a ni.
Lengpui VC - Cheng 1000/-
Pu R. Thanngura - Cheng 200/-
Pi Rinliani, Venglai - Cheng 50/-
Pi Sangchhingi - Perek 2 kgs
Pu HL Zoramchhana - Perek 1 kg
Pu Vanneia - Perek 1 kg
Pu R. Lalbiakkunga - Perek 1 kg
Pu Lalrinthanga - Chini1 kg
Pu R. lalfakzuala - Chini 1 kg
Pu Khawvelthanga - Thingzai 2”x2” pathum,
Pu Vanlalawmpuia - Bangchehna Rawthing,
Pu Lalfakawma - A thlawnin rangva min phurh thlensak,
Sd/- Vanlalrawna
Secretary, Lengpui Branch YMA
LYMA HRIATTIRNA
Kan khawtlangah chhiattawk kan awm avangin kan hun ruatah Section YMA hruaitu kan thlang thei ta lo va. Chuvangin, kan remchan lohna te hria a, a hnuaia hun leh hmun ruat tharah hian kum 2014 chhunga Lengpui Branch YMA hnuaia Section YMA hruaitu thar thlan tur a ni. He hunah hian Lengpui Branch YMA member a tam thei ang ber kal tura ngen leh hriattir kan ni e.
A hun : 4 Feb., 2014 (Thawhlehni - 6:30 pm)
A hmun : Lengpui YMA Hall
Tin, kumin 2014 hian chhungtinah Chhiatni Fund chhungkaw khatah Cheng 150/- zela khawn leh ni se tia rel a nih tawh angin, Lengpui Branch YMA huam chhunga In tinah kan hruaitu te’n an rawn khawn leh dawn a. Chhiatni Fund pawimawhna hriaa, tlawmngai taka lo pe theuh turin chhungtin te kan inngenin kan inhriattir hmasa a ni e.
Sd/- David Lalnunmawia
Asst. Secy., Lengpui Br. YMA
LENGPUI BR. YMA HNUAIA CHHIATNI THATNI INKAIHHRUAINA DAN 2014
CHHIATNI LAM
1. Kuang : Kum tinin Intinah thlanmual fund a khawn thin ang a, kan khawtlangah thihna tawk an awmin YMA in kuang a siam thin anga. Thlanmual fund hi Branch Committee in tul a tih zat a khawn thin ang
2. Thil khawn : Kan Branch huam chhungah thihna tawk an awmin Intinah thingfak 2 leh buhfai no 1 khawn tur a ni a, thingfak nei lo chuan Rs.5/- pek tur a ni.
3. Thingpui sem : Mitthi an awmin thingpui senthlum sem tur a ni anga, ruang thlak zan atanga zan thum chhung chu zan lamah thingpui sen hang/ tuisik chauh sem tur a ni. Lumen zanah tlaivar tan YMA in thingpui hmeh a siam thin ang.
4. Thlanlaih / Invui : Chawhma dar 9:00 hma lama mitthi an awmin thlan laih tur a ni a, khual khua/ hmun dang a zan dar 12:00 hma lama thi chu a tukah vui ngei ni se, he mi hnu lama thi pawh vui hman tur chi chu vui thin a ni bawk ang.
5. Invui hun : Tul bik thil a awmte a nih loh chuan lumen chu chhun dar 12:00 ah vui a ni anga, lumen loh chu chawhnu dar 1:00 ah vui a ni ang
6. Khawhar Inriahpui : Khawhar inriah hi zan thum nise, a zankhatnaah Section YMA hruaitute kaihhruainain hunserh hman thin nise. Tin, khawhar riahpui hi khawhar awmna section mawhphurhnaah dah a ni ang. Hei hian thian tha leh laina a huam lovang.
7. Thlan vur : Thlan vur hi mitthi awmna Section tlangvalte mawhphurhna bik a ni ang.
8. Hlamzuih : Central YMA inkaihhruaina angin thla thum (Ni 90) tlinglo chin mitthi hlamzuiha ngaih a ni ang. A duh tan thlanmualah inphum theih a ni ang a, a duh tan Kuang tur thingzai phek pawh YMA hnenah a lam theih ang.
9. YMA bungrua : YMA bungruate chhiatna lamah hawh man awm lovin hman theih a ni ang
10. Member boral thlah dan : Lengpui YMA member boral an awm chuan member ten puandum nen an thlah ang a, kuangah pangpar dah a ni ang.
Lenglai bikah chuan YMA flag nena thlah a ni ang a; amaherawhchu, ruihtheihthil avanga boral leh mahni intihlum te a huam lovang.
11. Khawhar lenpui : Kan Branch huam chhungah chhiat (thihna) tawk an awmin YMA member ten zan thum chhung khawhar an lenpui anga, kaihhruaina hna an thawk nghal ang.
12. (a) Ruanghlawm : Lengpui khaw mi leh sa ni lo, Lengpuia chhiat tawkte tupawhin ruang hi hlawmin buaipui mahse khawntesep ang chu tih a ni lovang.
(b) Khawdang mi, vai leh foreigner huam lovin Lengpuia a thisen zawmpuiten a ruang an hlawm chuan tualchhung mi anga sawngbawl an ni ang
13. Thlan hung : Thlan enkawl dan chungchangah hian Sub-Committee thu ngaihchan mek a ni a, a rang lama puanzar thuai a ni ang.
14. Thlan hmun : Thlanmual in-charge te ruahmanna tihbuai thei zawng chuan tumahin thlan laihna tur hmun an thlan phal a ni lovang.
15. Mitthi ralna : Ruang awmnia mitthi ralna thlakna tur bawm dawh a ni ang. YMA zan (zan thum) ah chuan a pangngaia bawm khai chhunzawm zel a ni ang.
16. Thalak zat bituk : Hun heh lo thei ang bera thlalakna hun hi kan hman theih nan inzirtir nise.
17. Inphum thuah : Thlanmual in-charge leh Branch hruaitute kutah dah a ni.
18. Thlanmuan fund hman dan : Chhiat tawk an awm a ruang lumennaah thingpui leh a hmeh / sawhchiar siam thin tur a ni a, a buatsaih leh siam kawngah Section YMA in mawh a phur ang.
Kuang siam chu puana tuam nghal tur a ni a. Thlanmuala tlangval thlanlai te tan thingpui/theitui buatsaih ni se, Thlanmual Sub-Committee te’n an enkawl ang. Heng senso te hi thlanmual fund atanga pek tur a ni.
THATNI LAM
1. Inneih : YMA member, Kohhran hriatpuinaa innei an awm a, Branch YMA an sawm chuan Rs.300/- emaw a hu tawk emaw a lawmpui thin a ni ang.
2. Bungraw hawh theih dan : Thatniah YMA bungruate hi hawh theih a ni anga, bungraw hawh man pawh hetiang hi a ni ang.
Thutthlengsei - Pakhat Cheng 1/- zel
Dekchi lian ber - Cheng 100/-
Dekchi lian dang 2 - Pakhat Cheng 50/- zel,
Tea-Urn - Pakhat Cheng 50/- zel,
Guitar - Cheng 50/-
Silpauline - Pakhat Cheng 20/- zel,
Bungruate hi thatna lamah ni thum chhung hawh theih a ni anga, chhiatna lamah ni sarih chhung hawh/hman theih a ni anga, hman man a awm lo vang. Tin, lungphun leh thlanthutnaah ni 3 chhung hawh theih a ni ang, hawh/hman man a awm lovang.
3. YMA bungraw hmangtuten hawh theih hun chhung a ral veleh bungraw dahnaah an dah kir tur a ni a. Hun tiam chhunga an dah kir loh chuan ni 1-ah Rs.10/- zel item tinah an chawi belh ang. Tin, bungraw hawhtute’n a bo leh chhiat thuah mawh an phur ang.
4. Bungraw hmang duh tur te’n Property Sub-Committee hnenah dilna ziaka pek thin tur a ni.
5. Chhiatna lamah bungraw hawh man a awm lovang. Bungraw la chhuaktuten Property in-charge/Sub-Committee hnenah report fel tak an pe thin tur a ni.
Issued by Lengpui Branch YMA : January 2014
(NB : He Chhiatni-Thatni inkaihhruaina hi Jan. 15, 2014 atang khan hman tan nghal a ni)
Sports : Vawiin BPL inkhel turte
West Brom V Liverpool - 7:00 pm
Arsenal V Crystal Palce - 9:30 pm
Thawhtanni Zan - Feb. 3, 2014 (1:30)
Manchester City V Chelsea FC
Inrinni - Feb. 8, 2014
Liverpool FC V Newcastle - 6:15 pm
Sunderland V Hull City - 8:30 pm
Crystal Palace V West Brom - 8:30 pm
Astonvilla V West Ham - 8:30 pm
Norwich City V Man. City - 8:30 pm
Southampton V Stoke City - 8:30 pm
Chelsea V Newcastle - 8:30 pm
Swansea City V Cardiff City - 11:00 pm
TENNIS : AUSTRALIAN OPEN
Pathianni kalta Australian Open Tennis Championship 2014 zawh fel takah chuan mipa leh hmeichhe singles-ah te champion thar an awm a. Mipa final-ah Swiss tlangval, Stanislas Warinka chuan World No. 1 leh Seeded No.1 nibawk Spaniard Rafael Nadal chu 6-3,6-2, 3-6,6-3 a hnehin a champion. Hmeichhe lamah chuan Chinese nula Li Na a champion ve bawk.
FINAL ROUND LUT
68th National Football Championship for Santosh Trophy (Northeast Zone) Group A atangin Mizoram chuan a tumpui te hneh vekin final round Feb. 24 atanga khelh tan tur atan a inhlang kai.
Fakna & Hriattirna :
Lengpui VC Hriattirna
1. Govt. M/S I thlang mual ramri buai chu chinfel a nih dawn vangin January 2014 chhung ngeiin mahni ram theuh vah fai vek tur a ni.
2. MGNREGA Job Card nei, Bank-a Account la hawng lo zawng zawng te VC hnenah a rang lama in-report vek tur a ni. Bank Account nei lo te Job Card chu BDO hnenah an Job Card thehluh a, paihsak an ni dawn a ni.
3. VC Sitting chu Thawhtanni dt. Feb. 3, 2014 khian neih a ni dawn a. Thu thehluh tur nei te leh rawtna thehlut tur chuan Feb. 2, 2014 thleng VC Secretary hnenah emaw, a hnuaia hming ziaktu hnenah emaw an thehlut thei ang.
Sd/- H. LALREMRUATA
President, Lengpui Village Council
ADVERTISEMENT
Kum 2014 chhunag thawk turin Lengpui Branch MHIP chuan an CRECH Sikul-a thawk tur a la thar dawn a. He hnathawk duh tur chuan Feb.1-10, 2014 chhungin a hnuaia hming ziaktu hnenah hian plain paper-a ziakin dilna a thehluh theih ang. Diltu chu thiamna lamah Matric/HSLC passed chin an ni tur a ni a. Feb. 11, 2014 (Thawhlehni - 10:00am)-ah CRECH Sikul-ah Interview neih a ni ang.
Sd/- T. Lalhunnghaki
Secretary, Lengpui Branch MHIP
::: sms Huang :::
(sms thawnna tur - 9862 180 133)
## VDP active member te hi chu ruihhlo lakah fihlim thei hram se a tha ngawt ang. .... fr : Nambar thup
## Zan lama nupa inhau bengchheng thei lutuk te kha lo ziaawm ve tawh teh u. Inthenawm nih a hahthlak thei em mai . ... fr : Nambar thup
## Veng hmawr lama ruihhlo zalen thin lutuk hi chuan khua a timawi lovin, helai hnai vaia cheng te tan a hahthlak thin hle mai. siamthat kanngai e .... fr : Fanai
## Bialtu MLA chu a fel hle mai. Khawtlang hamsawn nan theih tawp han chhuah se la, keini lam paw’n i finchhuah ang u. ... fr: Behbuha
## Thlan lai hi za tlin a chakawm hle mai. Thlan lai rual te insangmar ang u khai... fr : Pu Chhuana
Editorial : Kristianna leh Tlawmngaihna
Kan Kristian zirtirna laipui ber chu hmangaihna hi a ni. Chu chu Pathian atanga intan a ni a. Hmangaihna chu thu maia sawifel chi a ni lova, thiltiha lantir chi a ni. Tirhkoh Paula chuan hetiangin hmangaihna a sawifiah, “Hmangaihnain a dawhthei a, ngil a nei bawk thin. Hmangaihna a infak lova, a thinur duh lova, sual lam a ngaihtuah lova; fel lohnaah a lawm lova, thutak erawh chu a lawmpui thin a; engkim a tuar hram hram a; engkim a ring a, engkim a beisei a, engkim a tuar chhuak thin. (I Kor 13:4-7). “Hmangaihna” tih aiah hian “tlawmngaihna” hi dah ta ila. Hetiangin chhiar ta ila, hmangaihna leh tlawmngaihna inanzia a lang chiang awm e.
Tlawmngaihnain a dawhthei a ngil a nei bawk thin, tlawmngaihna a infak lova, a uang lova, a che mawi lo lova, mahni hma a sial lova, a thinur duh lova, sual lam a ngaihtuah lova; fel lohnaah a lawm lova, engkim a ring a, engkim a beisei a, engkim a tuar chhuak thin.
Tlawmngaihna hi Mizo Culture-a Kristian kan nih hma pawha Chanchintha a tih theih a ni. Kristian dik tak chu an tlawmngai tur a ni. Kristian ni si tlawmngai lo chu Kristian tha an awm thei lovang. Lal Isua Krista kha tlawmngai chung chuang a ni a, a hniakhnung zuitute chu kan tlawmngai tur a ni. Chu chu YMA thiltum pawh a ni.
(Thlalak : Pi Rokimi In, Lengpui Kanan Venga Lengpui Br. YMA te'n kan sakpui chu @ Inrinni - Jan. 25, 2014)
Monday, 26 August 2013
RUAHSUR NASAT AVANGIN KHAW CHHUNGAH CHHIATAWK AN AWM.
Date Ni 24 Aug 2013 zan dar 8 - 10 inkara ruahsur nasa tak avangin lengpui dawrkawn new market hnuai chhungkaw pa 3/4 vel inluah chu awm theihloh in tui in a chhim a, tui lian hian chhuat rual atanga patling kawng thleng vel a chhim ani. Bungrua te thiar chhuah nghal niin thi leh hliam erawh vaneihthlak takin an awm lo.
Salianpuii in bul Pu chhungtea te in oposite kopanga awm (an hming ka hrechiah lo) te chu leimin in a hnawl a ,a hnuai kawngpui pawh leimin in a hnawh bawk.thi an awmlo a hliam erawh an awm nia hriat ani.kawngpui hi tlang leh mai tura thenfai nghal ani bawk.Pu Bolorama ,Pu Hruaia te dawr hnuai luah vawkte Masihi Sangati in krismass vawr tura an vulh chu tuilian hian a la bawk.
Lengpui LAD Picnic spot pawh nasa takin a ti chhia a ,Entry gate vel bawr pawh a chhe nasa hle a hriat a ni.
Pu thangtea huan bula CRPF duty post pawh tlem a min a,kawng erawh a hnawh lo, Pu B.Tluanga vengthar in opp kopang pawh kawngpui hnawhbuai lo in a min bawk.
Saturday, 6 July 2013
LENGPUI Br. YMA OFFICE Cum GODOWN
David Lalnunmawia
Vawiin dt. 06/07/2013 (Inrinni) hian Lengpui Br. YMA Office Cum Godown sak mek chu a bang pin a ni ta. Nimin khan a chung chih zawh a ni a, a bang pin a han ni leh nghal thei hi a lawmawm em em a. Kan hruaitute lawmna tizual thintu pakhat chu hnatlanga thawk chhuak mi tlawmngai an awm thei reng mai te hi a ni. Picture : Lengpui Br. YMA Office cum Godown @ July 6, 2013 (Sat - 10:00 am)
MHIP TEN DAY AN LAWM
Kenny Malsawmtluanga
MHIP TEN DAY AN LAWM
Vawiin Dt. 6th July 2013 hi Mizo Hmeichhe Insuihkhawm Pawl (MHIP) Day vawi 39-na a ni a. Lengpui Branch MHIP pawhin he ni hi lawmin vawiin chawhma atangin Day lawmna Programme an hmang tan a, zaninah a tiak ang. Pi. Zothankimi, Chairman, Mizoram State Social Welfare Board chu khuallian a ni. Tlai lamah ruai an buatsaih bawk.
MHIP TEN DAY AN LAWM
Vawiin Dt. 6th July 2013 hi Mizo Hmeichhe Insuihkhawm Pawl (MHIP) Day vawi 39-na a ni a. Lengpui Branch MHIP pawhin he ni hi lawmin vawiin chawhma atangin Day lawmna Programme an hmang tan a, zaninah a tiak ang. Pi. Zothankimi, Chairman, Mizoram State Social Welfare Board chu khuallian a ni. Tlai lamah ruai an buatsaih bawk.
Thursday, 4 July 2013
Vanneihtluanga
Kan Kawmchhak Nula
Vàngkhaw màwitu, rualtin khûmtu, kan kawmchhak nula -
Kan lungdumtu, nun tinuamtu, Nuihiauvi nun kan hril dawn e.
Zofate khua vêl tapchhak záwlah chhíng zo an awm thei dawn lo.
Maian bai se, anţam tlak se, iskût chauh pawh kang sela
A tui ber mai Aw! Tui ber mai!
Phuihnam bai se, dailuah kang se, behlawi chauh pawh bai sela
A tui lehzual Aw! Tui lehzual!
Zaiin kan hril, kan sawi ning lo, kan kawmchhak nula -
Khua tin thang chhuak, ei rèl thiami, Nuihiauvi hming than zual sela
Tualchhunga val leh chhingkhual valten a pár zu thlum tlàn rawh se.
Zawngţah ziat se, tumbu bai se, behliang meuh pawh báwl sela
A phak ngai lo Aw! Phak ngai lo!
Baibing bai se, bapui chhùm se, telhàwng meuh pawh báwl sela
A thak ngai lo Aw! Thak ngai lo!
Chhak thlang chhim hmar válin an rïm, kam kawmchhak nula -
Hlim ten a chhàwn; vui an awm lo, Nuihiauvin rual kawm a thiam e
Rialnova thingpui no khat tui bik Valan a nghilh thei dawn lo.
Chhawhchhi déng se, vawk lú bai se, ar ríl meuh pawh phiar sela,
A buai chuang lo Aw! Buai chuang lo!
Zo chhang ât se, vaimim rawh se, tungrung meuh pawh bai sela
A zäm chung lo Aw! Zäm chuang lo!
Kan chhuang ber mai, leng tin khumi, kan kawmchhak nula -
Khuanun húal se, nun tinuaman, Nuihiauvi sumtual hmui sela
Zofate khua vel val zawng zinga val ţha nuthaiah kan hual.
Rawtuai bai se, hmarcha ráwt se, Hmar bai meuh pawh chhuang sela
A zei ber mai Aw! Zei ber mai!
Bekang báwl se, pasï sawh se, aidu chauh pawh siam sela
A thiam ber mai Aw! Thiam ber mai!
Neih loh awt lo, neih sa hmang thiam kan kawmchhak nula -
Zuapa lungdum, hraichawi muantu, Nuihiauvi nunkhua nuam sela
Mi neiha buai lo, neih tawka lawm ţhinte run màwiah kan hual
Chaw ţhing ring se, bahra lài se, meialh meuh pawh en sela
A ngui chuang lo Aw! ngui chuang lo
Ţàm kum thleng se, buhzém ruak se, chhuan hnih meuh pawh nghei sela
A vui chuang lo Aw! Vui chuang lo!
Kan Kawmchhak nula Aw! Nuihiauvi!
Vàngkhaw màwitu, rualtin khûmtu, kan kawmchhak nula -
Kan lungdumtu, nun tinuamtu, Nuihiauvi nun kan hril dawn e.
Zofate khua vêl tapchhak záwlah chhíng zo an awm thei dawn lo.
Maian bai se, anţam tlak se, iskût chauh pawh kang sela
A tui ber mai Aw! Tui ber mai!
Phuihnam bai se, dailuah kang se, behlawi chauh pawh bai sela
A tui lehzual Aw! Tui lehzual!
Zaiin kan hril, kan sawi ning lo, kan kawmchhak nula -
Khua tin thang chhuak, ei rèl thiami, Nuihiauvi hming than zual sela
Tualchhunga val leh chhingkhual valten a pár zu thlum tlàn rawh se.
Zawngţah ziat se, tumbu bai se, behliang meuh pawh báwl sela
A phak ngai lo Aw! Phak ngai lo!
Baibing bai se, bapui chhùm se, telhàwng meuh pawh báwl sela
A thak ngai lo Aw! Thak ngai lo!
Chhak thlang chhim hmar válin an rïm, kam kawmchhak nula -
Hlim ten a chhàwn; vui an awm lo, Nuihiauvin rual kawm a thiam e
Rialnova thingpui no khat tui bik Valan a nghilh thei dawn lo.
Chhawhchhi déng se, vawk lú bai se, ar ríl meuh pawh phiar sela,
A buai chuang lo Aw! Buai chuang lo!
Zo chhang ât se, vaimim rawh se, tungrung meuh pawh bai sela
A zäm chung lo Aw! Zäm chuang lo!
Kan chhuang ber mai, leng tin khumi, kan kawmchhak nula -
Khuanun húal se, nun tinuaman, Nuihiauvi sumtual hmui sela
Zofate khua vel val zawng zinga val ţha nuthaiah kan hual.
Rawtuai bai se, hmarcha ráwt se, Hmar bai meuh pawh chhuang sela
A zei ber mai Aw! Zei ber mai!
Bekang báwl se, pasï sawh se, aidu chauh pawh siam sela
A thiam ber mai Aw! Thiam ber mai!
Neih loh awt lo, neih sa hmang thiam kan kawmchhak nula -
Zuapa lungdum, hraichawi muantu, Nuihiauvi nunkhua nuam sela
Mi neiha buai lo, neih tawka lawm ţhinte run màwiah kan hual
Chaw ţhing ring se, bahra lài se, meialh meuh pawh en sela
A ngui chuang lo Aw! ngui chuang lo
Ţàm kum thleng se, buhzém ruak se, chhuan hnih meuh pawh nghei sela
A vui chuang lo Aw! Vui chuang lo!
Kan Kawmchhak nula Aw! Nuihiauvi!
JF Laldailova (1925 – 1979)
A hnampuite’na chhuang em em a, “Mizo Shakespeare-a” kan tih hial khawpa thu leh hla thiam, mi bâk sâwna Zotawng lama diau lo leh mi bâk chhama Sâptawng lama duai lo, a hawina lam apianga Zofate min thlek rualtir dial dial thei khawpa huhâng leh huvâng ngah, tawng lettu (translator) themthiam tâwpthang, fakselna (criticism) lama hmahruaitu ropui, critic chhuanawm chungchuang, chanchinbu enkawltu (editor) tha eltiang, dictionary siamtu (lexicographer) duhawm filawr JF Laldailova (1925 – 1979) hi chu, “Mizo ka ni,” ti a inchhâl ngam chin, ziak leh chhiar thiam ve êk êk tawh phawt chuan kan hre fur awm e. Chuvangin, tun tumah chuan a nâwlpuiina kan hriat lem loh a mizia leh a nun lairil kan luhchilh dawn a ni.
Tam tak chuan a thu thiam zia te, Mizo fate tana a hnathawh ropui tak tak leh a rohlu min hnutchhiah zozaite hi hmuh kân a, enkhûmin a zu in thin te, a tâlpâwl ve deuh hun lai te hi sawi chîk tehah kan nei a. JF-a nun kha ngunthlûk taka kan bihchian chuan entawntlâk thil tam tak a awm a. Sum leh pai ngah, mi thiltithei leh ropuite ngaihsânna boruak chhia ringawtina a chiahpiah, Pathianina mitin thinlunga a dah mihring thatna leh ze duhawm lanchhuahtir nachang hre tawh miah lo khawpa kawng bote tan a nunah khan zir tur a kuh tul a ni.
JF Laldailova kha mi taima leh tumruh rum rût, a thil tih tawh kha chu âtchilh khawpa hlawhtling tlâka bei zel mai mi a ni a. Chuvangin a huang dai tawh chinah reng reng kha chuan “a ber” a kai thei zel a ni.
Kum 10 mi âwrh a nihin an unau zinga a berh ber chu St. Placid’s School, Chittagong-a kal turin Fr. Godfrey-a’n a thlang a. Saptawng emaw Vaitawng emaw pawh kawi khat mah hre lova sikul kal kha a ni bawk a, Vai naupangho khan an lo hmusit ngang mai a. “Lusei Hnam mawl” (Wild Lushai) ti te leh “Ramhnuai mi” (Jungly Man) ti tea chhaih nawmnahin an ûm dûl dûl a. Pûm tiat tiat hian an bâwr lut lut reng mai a. A tlân hah tâwpah tan khawhin a rawn khawih hmasa apiang a lo thuai let ve ta thin a. An zirtirtute’n an chhan a ngai fo thin. Mittui nena nî a vuiliam châng lah a tam thin narawh e.
Chu’ng avang chuan a rilru tipaukhauhin Vaiho chunga lêng thei tur chuan zirna lamah theihtâwpin tan a han khawh ta tak tak a. Saptawnga an classic thawnthu bu leh hriatna tizau thei science, mathematics leh literature lam tumahina chhiar tina an tin lohte chu library atanga hawhin a bûr ngar ngar a. Khaw thian that deuh zân te hian an hostel enkawltu (warden) mut pindana entlang lian an dah te chu ru chhuakin sikul inchung zâwlah a bun a, zankhua khua hian arsi te a thlir ru thin a. Zing thawh hmain a dah kir leh thin. Chutiang chiah chuan an sikula science laboratory te chu tukverh pakhat darthlalang keh atanga hawng rû-in zanah te hian a luhkhung ta thin a, an science kit man to pui pui, an zirtirtute pawhina chhawrbawl ngaihna an hriat lohte chu inzir nan a hmang thin a ni. Chutianga ngawrh taka a beih hnuah chuan an zirtirtute mit a tlun bâkah a zirlaipuite ngaihsan a lo hlawh ta a. A hmaa hmusit taka chhaih nawmnahtute ngei khan “Khawchhak mifing” (Wise man of the east) an ti ta hial a. “Lersia se chi tha” ang maiin a hmel en ai khan a lo lâktlâk a, zirna lamah pawh vawi 22 exam-ah vawi 17 lai pakhatna a ni.
Indopui Pahnihnain zualkai lam a pan zel avanga an sikul khar a nih a, Mizorama a lo haw leh hnuah Royal Indian Air Force-ah air craftman-in a lût a. Sipaia a luh rualpuite hrilhfâk kai khawpin a hming a chher a. Lawmman chi hrang hrang: silai kah thiam ber, music instrument chi hrang hrang chelek thiam ber, sipai lâm zei ber tih ang reng lawmman kha a hui chho mawlh mawlh a; War Medal leh Independence Medal pawh a dawng a ni. Kar lovah Sergeant-ah kaisangin Assistant Bandmaster-ah dah a ni a. Zofate zinga band instructor hmasa ber a ni ta hial a ni. Bandmaster a niha rimawi hnamraw chi hrang hrang a kuta a han awm tâkah chuan thiam kim vek tumin a han zir leh ta tlauh tlauh va, program an neih dawna an band member zinga damlo an awm palh pawhin a tu ai mai pawh kha a awh thei ta zel a, an pute lawm a hlawh phah hle.
A hun laia natna tihbaiawm ber pawl TB natnain a tlâkbuak avanga Sipai atanga chawlhtir a ni a, thorax plasty operation- a, a nâkruh pakua lai paihsak a nih hnua a lo haw leh chuan, a natna avangin sawrkar hna lamah a hnawng tawh si a, huan siam lamah hma a’n keu tan a. Mizo chin dan anga lo neih ai chuan agriculture science hmanga huan siam kha a tuipui zawk a. Amah ngei pawhin fiamthuin, “Tuthlawh chelek hi ka chemkalna zawng tak a ni a; chem chelek erawh hi chu ka tuthlawh kalna lam a ni lo,” a ti nghe nghe. Tlangnuam tuikhur kamah chuan terrace laiin England lane, France lane, Denmark lane leh ama lane bik liau liau te siam hrang thliahin experiment a bei a. Mizorama lei tihthatna ‘chemical fertilizer’ ching chhuak hmasatu a ni nghe nghe. Mi kâwmkâr chhiar hnuaia ar-êk lei leh khawlai vawk-êk te chu, mi dawrâwn paih mawng a thawm that leh nên a awi liam ni tin ta mai a. A huan bul kawnga pa losûl haw te ani lei lai hriat phâk ngei tûra ringa an tawng a hriatte chu: “Khu eng nge maw a tih le?” “Bawng leh khau chaw tûr a siam a nih khu!” “Ni lo, antam zîkhlûm chîn a tum a nih khu. Tlangnuam ramah zîkhlûm a hlûm ve thei lo tih a la hre lo a nih khu. Vai rama sei lian a ni a, ram chinchâng a la hre ve lo a nih khu!” Khatianga an han tawngkhum pawh khan a tihnual chuang lo va. A taimak leh a thawhrim zarah thlai a thar hlawk hle a Mi dangina kum tluana an buh chin atanga an hlawhchhuah chu thla nga chhung lekin zikhlûmin a lei thei der a. Mizoram sawrkarina thlai entirsiakna (Community Project Exhibition) tum hnih a buatsaih (1954 & 1955)-ah pawh lawmman awm zawng zawng a hui fai pak deuh thaw a ni. A antam thar te chu thlangra tiat tiata hlai te a ni a, a ‘knol khol’ thar pakhat pawh inches 23 hawlhtlang a tling hial.
A hriselna a that loh chho zel avangin thahrui hmanga eizawn chu a chhunzawm hleithei ta lo va, thluak hmanga eizawnna lehkhabu ziah leh chhuah lamah a pakai ta a. Press hrang hrang (Khuma Printing press, Zoram Printing Press, etc.)-ah te Manager-cum-editor-in a awm a. A Zotawng thiam that tawk loh avangin mi ngawichawi leh zakzuma an sawi thin a ni a. Zotawng chu thiam tumin a han zir ta ngar ngar a. Pitar, putar te kâwm kualin, naupang inkhualtelem te hi a rei iak a thut chilh a, mi titi kotlângah dâkin an tawngkam hman te a chhinchhiah ru zel a. Mû-in an âr a lâk tum pawh a, a chhungte hnena, “Mû-in kan âr a phur bo daih,” ti te, ruah a tla dawn ni a a hriat avanga puan pho a seng pawh a, “Ka hriat danin ruah a sur vak a, kan puan sûk kha inah ka hruai haw vek,” ti te mai maia Zotawng hmang thin kha a han inzir tak tak chuan kum 6 chhung lekin Zotawng thiam berah a thang hman ta hial a ni.
Thil reng reng kha thiam tumin a chîk uluk peih a. An sikul kal laia Vai magician-ho magic tricts te kha uluk takin a en a, “Ngunthlûk taka ka chîk thin avang khan an trick ka man hman loh hi a awm ngai mang lo,” a ti hial a. Sipai atanga a chawlh hlimchhawn khan Aizawla sikul hrang hrang (Sikulpuiah te, Dawrpui M.E. School, etc.) -ah te, YMA hall leh hmun pawimawh tak takah mitdawivaih (magic) chu an chhuahtir ta sup sup a, hetiang magic show hi a hmain Mizo mipuite’n la hre ngai hlawm tehchiam hek lo, lar namen lohin a larpui a, Aizawl mipuiin an âtchilh a ni hawt mai. Kum 1951 kumhlui thlah zana a “magic show” lo chhim vetu Sâp Monsigner Bleen, CSC phei chuan, “A hmanrua leh an stage-in duhthu a sâm lo deuh mai pawha Sâpramah pawh hei aia hmuhnawm chu an chhuah bik lo,” a ti hial a ni.
Mi tumruh a nihzia chu, “A tâwk ta e,” a tih chuan kum 25 zet thian bera a lo neih tawh zu kha a thlah fel hmiah thei a. Chumi chen deuh thaw chhum lo chat lova a lo zûk thin meizial pawh a nghei fithla hmak thei a ni. “TB natna pawh ka ngam tawh a, cancer natna pawh hi ka hneh theih ka ring a ni,” ti ve ngam ngat mai kha a ni a. Mak angreng tak mai chu khatih laia TB natna avanga “thoracoplasty”-a nâkruh an paihsak zinga dam rei ber record-a an dah French pa kha a nâkruh 7 an paihsak hnu-ah hriselna dan engkim – ei leh thuhlaah te, taksa sawizawi chungchangah te – a zawm that avang khan kum 20 lai a dam a. JF-a kha chu a nâkruh 9 an paihsak hnu-ah kum 31 zet zu han dam a. “TB natna ka ngam,” a ti pawh hi a âwm lo hran lo ve.
Amah kha mi paukhauh, chhel leh huaisen tak a ni a. Kan hranghlui mual liam ta R.Vanlawma’n a sawi dan phei chuan TB avanga a nâkruh pakua an paih dawn pawh khan, “Nâkruh paih hi engtiang chiaha nâ nge a nih ka hre ve duh reng reng,” tiin nachhâwkna – hnimhlum emaw, kahhitna emaw – pawh hman duh lova hel tawrh ngat ngam kha a ni. Chutih lai vêk chuan amah kha mi lung no tak leh mi lungleng thei em em mai a ni mauh mai bawk a. Lehkha zira Chittagong-a vai zinga a awm laite khan a lung hi a a han lêng thei êm êm khawp a. Khawthlang Tuipui (Karnaphuli) luangte chu, “Hetah hian Zoram thlî a tel ve ngei ang,” ti tein hmai phih nân a hmang thin niin a sawi. Dârbu tum te kha pa upa lam chauh thiam tura ngaih a nih laiin kum riat mi a nih laiin an unau thumin an thiam tawh a. Gauhati Radio Station atanga Mizo Programme-a darbu tum an tihchhuah thin pawh kha an unau thuma an tum a ni. Chittagong sikula lût tûra a pa nen Sairanga an chhuk tum khan. Tlawng kamah Pâwih sumdawng dar-bêl phur an tâwk a. Sai thing la Tlawnga inbual an hmu bawk a, chuta a unaute hnena a lehkhathawn hmasak berah chuan, “Vawiin chu Haulawng ka ngai ngawt mai! Kan darbu hlaa, ‘Kal rawh, kal rawh, sai kal rawh. Tlawng dûng zawh rawh, Haulawng chil rawh. Pâwih chil rawh,’ tih thu kha a famkim teuh hle mai,” tiin a ziak a ni.
A phai kal hmaa lênkhâwm zai a hriat zawng zawngte chu theihnghilh lovin a vawng tlat a. A puitlin hnuah pawh a hriat belh zel bawk a. Zaipui tur a hmuh kha chuan tlaivar kha a peih deuh reng a. Catholic kohhranah lawi ni mah sela, Presbyterian kohhran lênkhawmnaah te kha a tel ve reng peih a. Mizorama a lo chhuah hlimchhawna zaikhâwmnaa a kal ve fo mai kha Pi Mûmi pawhin mak a ti thin hle a, “Dungtawi, hla pawh i hre ve mang âwm si lo va, engtin nge i zaikhâwm i zaikhâwm peih a?” ti a a lo zawh chuan, “A thu leh a thlûk tih loh chu ka hre vek alawm,” a ti mai thin. Khatia a han tuichilh tak tak hnuah kha chuan a hunlaia Mizote zinga, eng ang zai pawh hre tam ber pawla an sawi a nih phah thei ta a ni. Amah ngeiin hei hi mi lunglêng chi a nih vang niin a sawi a, “Lunglêng mi ni suh ila khawiah tehlul nge hla chang khat pawh fumfêa ka by-heart theih ang?” a ti thin.
Mite’na, “Engati nge Mizo tawng theihnghilh thak khawpa Vai rama seilian si, tûn kum ruk chhung emaw leka Mizo tawng thiam bera i than leh theih tak ?” ti a an zawh chang pawhin, “In mi fakderna hi tak tak ni se ka va han ti êm! Engpawh ni se, in rin aia ka thiam chak pawhin, mi lunglêng thei mi ka nih vang chauh a ni ang,” tiin a chhâng thin a ni.
Pathian thilsiam, khuarel te, hun inthlâk te, hunpui lo her chhuak te hian an lung an lên thei em em a, a lehkhathawnah pawh: “December thla thar ni te hian Krismas hla sa hian ka zai ka zai thin a. “Lal pian hun pangpar a vul leh ta,” tihte hi ka tuipui êm êm thin a. December ni khatah chuan nihawi hi chuan vul lai a tawng hman na meuh mai a. Mahse enchet dâwl zawk tlângsâm hi chu nghâkhlel takin ka lo thlir thin,” a ti a.
“Krismas chawhnu her, nî-ina tlâng pang a chhun tleu te hi ka ngai thiam lo. Tlai ni tla kâwl êng te hi hmu hreh chung chungin ka hmu ning lo. Pawm lai neih leh neih lohva î pawh a ni lo va, zan thla êng tak mai hnuaiah te hian ka muhil hleithei lo va, fianrialah hnah te ka va tum leh ringawt thin. Mi la mu nghet lote pawh an lunglêng ve thei a ni chêk ang chu, “Tû nge ni ta ngai?” ti ni âwm takin tukverhte hi an rawn hawng sap sap thin asin. Tlangsâm par, hlonuar leh theite par te hi enchet dâwl ka ti a, a par mal tê pawh hi rei fê ka bih peih thin,” ti têin a lunglen thin zia a sawi bawk.
Mahni hmasial lo, mi rilru tha a ni a. Thei leh thlai – âlû, serthlum tih angreng a lei dâwn te khan a tha tha a thlang ve duh ngai lo va, a lâk awlsam apiang kha a lei mai thin. “Duh han thlan zut zut chu a mahni hmasial thlâk ka ti a, keiin a tha tha nei ila, midangin a sawrbawl chhe tê tê nei se tihna ang thei dâwna ka hriat avangin duh ka thlang duh ngai lo,” a ti. Mi chuhhelh leh huamhauh a nih lohzia chu Mizo Academy of Letters-a a inhman ve lai pawh khan Assam sawrkar atanga lehkhabu chhuah tanpuina ( publication grants) kum tina lo kal thin te kha duh ni se chuan lo pusum têl ve awk thei a ni nachungin a lehkhabu chhut nân pawisa sen pawh a dil ve lo va; mi dang erawh chu a sawi hlawhtlinsak hnem viau lawi si a ni.
TB veite tana sawrkarina tanpuina a sem thin te kha amah duhsaktute’n dil ve tura an nawr chang paw’n, “Kei aia mamawh zawkte’n an chan loh phah palh dah ang nge,” tiin a hnial fithla thak thin. Khatia cancer a han vei zui lehzel tâkah kha chuan an chhungkaw khawsak a hniam lulai tawh bawk nen, tlawmngai thei leh mi dang hmakhawngaia khawsa hlei theiah a inngai ta lo va India Air Force lamah tanpuina a dil ve ta chawm a. Chuta a dilnaah pawh chuan, “Kei aia mamawh zâwk leh tanpuina pek âwm zâwk mi dang rawn dil an awm a nih chuan chu’ng mite chu pe zâwk ula, he ka dilna hi chu engmah lova ngaiin lo hmet hlâwm mai rawh u,” a la ti thei fan a ni.
Mi zaidam, hmangaihna ngah leh thuawih thei tak a ni a. A ti alawm, a û L. Biaktluanga chuan, “Unau mipa rual kan ni chung khan vawi khat mah a naute a velh emaw âwka vîna a hrâwk emaw ka hre ngai lo. A chhang chiahin a han khin ve arh arh tum te khan, ‘Liante, khatiang tur a ni ngai lo,’ tiin a zâwldawh zâwkah tangin a inbengdai hrâm thei zel.” Unau mipa ruala khawsak chuan thu chhia hla chhia neih châng a awm châwk a, han insual bap bap leh han invelh khat khat a tul thin hi. An unau hi 14 zet an ni a, a zaidamin a thinnel thawkhat ang tih chu a ngaihruat theih âwm e. A û vêk hian, “Tum khat chu ka inkhêl en tur hi mi a zui a, “Lo kal ve suh,” tiin lungin ka vawm a, phunnawi miah lovin, ngawi rengin a hâw ve mai bawk a. Ina ka hâw ve leh hnu chuan lungawi lo hmêl pawh hi a lo pu miah lo va. Inkhêl a en châk ve zia kha ka hre chiang si a, keimah leh keimah hi ka inthiam lo ru ngawih ngawih a. Khami tuma ka hruai ve ta lo kha tun thlengin ka la inchhîr tâwp thei lo va, thuâwih taka a hâw hnak hnak lai te kha ka mitthlâ-ah hian a châm reng thin,” tiin kum 1998 khan mittui parawl kuang chungin min hrilh a ni.
Lainatna ngah, mi khawngaih thei tak a ni a. Dibrugarh AMC Hospital, Cancer Ward-a sumpai lama harsa ve êm êma a awm lai te khan a bula cancer ve tho Vai putar dam lo, thih a hlat tawh lo vang tih tur hi an dah a. Chu vai damlo chuan neih hi a nei mang lova, han intuituah thei ziazâng a ni lo. JF-a chuan a khawngaih thei êm êm a, han tanpui turin eng ruai a nei bik si lo. Chu Vaipa hmui-hmai vel thovin a bâwm changte chuan chau chung chung pawhin a tho va, tho chu a va vai kiansak thin a. A nachhâwkna eiin hna a thawh lai, khawsikin a thlah lai chuhin, ama thawmhnaw a sû a, thawmhnaw sûktirna man tura a pawisa dah hran chuan a bula vai putar damlo chu serthlum a va leisak zu nia. Chu pa chuan lâwm mitmeng pu chung hian mi hriat chian tum ni âwm takin mi a han melh tâwk tâwk mai a ni, a ti.
Cancer Ward-a a awmlai vêk hian a chhungte lo enkawl tura a chah Chhingliana Hauhnar hnena a lehkhathawn-ah (31.1.1979) heti hian a ziak: “Kar hmasa Manipur naupang kum 9 mi vel beidawnga haw ta te pafa chu ka khawngaih khawp mai a. A û tlangval PU 2nd yr. mangang lutuk chuan an Tlângmi pui tiin ka khumah mi rawn bêl leh chawt thin a; lo hnema lo tawng thlamuan vak ngaihna ka hre si lo va. Khawibêl bu vantlâng tiat ngawt mai hian naupang bawpkhing lehlam chu a malpui bul atang hian a bâwk paw hruah mai a. Thla 6 vêl ni tawhin an sawi a. Vawi 30 hem hnu-ah pawh chhe tê mahin a la kiam chuang lo va; a thak erawh a reh tawh ni chauhin a sawi a. An han hâw tur chu ka khawngaih lutukin neih bîk loh nâk alaiin Rs 10/- chuan ka han thlah ta ringawt mai.
“Mizo biak-in bula inkulh khum chang lote pawh ka lainat avangin ka tlawh apiangin hmawmsawm, chini sêr khat tih anga duang leh chhang ka la kensak deuh ziah hlawm a. Hmân ni khaw that ni lan nî te khan pawisa chawia dhobi sûktir lovin ka silhfen bâl zawng zawng ka su e, ka ti a. Rs. 4/- vêl zawng ka hum phah ta ve ang,” tiin. Mite chu an cancer-in an chhungte’n an hrilh duh lo thin a; ani erawh chuan nâ an tiha an tuar thiam loh a hlauh avangin a chhungte a hrilh duh lo zawk a ni. Chhingliana hnenah tho hian, “Chhinga, ka cancer thu hi chu tumah lo hrilh suh ang che. Duh leh ka Pû leh Pa Ênga kha lo hrilh-ru chauh ang che,” tiin thu a chah a ni.
Tanpui ngaite a phâk ang tâwka tanpui tura inkau reng mai mi a nih avang khan Durtlang Damdawi-Ina “nurse” hnathawk (tuna Bilkhawthlira awm ta) Sawilaii hnena, Sâptawnga a lehkhathawnah (8.10.1978) pawh, “Tanpui ngai na tuarte zinga awmin hna i thawk a. I hmangaihna chhâng lêt thei lo che leh chhân lêt ngaihna che pawh hre lo hnena hmangaihna lantîr theihna remchang i nei bîk a, i awhawmin i thîkawm ngei mai. Hmangaihna chhân lêt loh emaw, phût lêt nei lo rawngbawlna emaw hi chu amah ngau ngau pawh hian malsawmna a ni sa reng si a,” a lo ti tawh a ni. Khatiang taka “nun tam nei” a nih vang kha ni hmiang amah hnîmhnaitu James Lian Mawia pawhin, “Ani tluka Pathian hria leh nun ngîl kha kan pulpit bêng dum dumtute zingah pawh hian an tam vak ang em aw? ka ti thin,” a ti hial reng a ni.
Tam tak chuan a thu thiam zia te, Mizo fate tana a hnathawh ropui tak tak leh a rohlu min hnutchhiah zozaite hi hmuh kân a, enkhûmin a zu in thin te, a tâlpâwl ve deuh hun lai te hi sawi chîk tehah kan nei a. JF-a nun kha ngunthlûk taka kan bihchian chuan entawntlâk thil tam tak a awm a. Sum leh pai ngah, mi thiltithei leh ropuite ngaihsânna boruak chhia ringawtina a chiahpiah, Pathianina mitin thinlunga a dah mihring thatna leh ze duhawm lanchhuahtir nachang hre tawh miah lo khawpa kawng bote tan a nunah khan zir tur a kuh tul a ni.
JF Laldailova kha mi taima leh tumruh rum rût, a thil tih tawh kha chu âtchilh khawpa hlawhtling tlâka bei zel mai mi a ni a. Chuvangin a huang dai tawh chinah reng reng kha chuan “a ber” a kai thei zel a ni.
Kum 10 mi âwrh a nihin an unau zinga a berh ber chu St. Placid’s School, Chittagong-a kal turin Fr. Godfrey-a’n a thlang a. Saptawng emaw Vaitawng emaw pawh kawi khat mah hre lova sikul kal kha a ni bawk a, Vai naupangho khan an lo hmusit ngang mai a. “Lusei Hnam mawl” (Wild Lushai) ti te leh “Ramhnuai mi” (Jungly Man) ti tea chhaih nawmnahin an ûm dûl dûl a. Pûm tiat tiat hian an bâwr lut lut reng mai a. A tlân hah tâwpah tan khawhin a rawn khawih hmasa apiang a lo thuai let ve ta thin a. An zirtirtute’n an chhan a ngai fo thin. Mittui nena nî a vuiliam châng lah a tam thin narawh e.
Chu’ng avang chuan a rilru tipaukhauhin Vaiho chunga lêng thei tur chuan zirna lamah theihtâwpin tan a han khawh ta tak tak a. Saptawnga an classic thawnthu bu leh hriatna tizau thei science, mathematics leh literature lam tumahina chhiar tina an tin lohte chu library atanga hawhin a bûr ngar ngar a. Khaw thian that deuh zân te hian an hostel enkawltu (warden) mut pindana entlang lian an dah te chu ru chhuakin sikul inchung zâwlah a bun a, zankhua khua hian arsi te a thlir ru thin a. Zing thawh hmain a dah kir leh thin. Chutiang chiah chuan an sikula science laboratory te chu tukverh pakhat darthlalang keh atanga hawng rû-in zanah te hian a luhkhung ta thin a, an science kit man to pui pui, an zirtirtute pawhina chhawrbawl ngaihna an hriat lohte chu inzir nan a hmang thin a ni. Chutianga ngawrh taka a beih hnuah chuan an zirtirtute mit a tlun bâkah a zirlaipuite ngaihsan a lo hlawh ta a. A hmaa hmusit taka chhaih nawmnahtute ngei khan “Khawchhak mifing” (Wise man of the east) an ti ta hial a. “Lersia se chi tha” ang maiin a hmel en ai khan a lo lâktlâk a, zirna lamah pawh vawi 22 exam-ah vawi 17 lai pakhatna a ni.
Indopui Pahnihnain zualkai lam a pan zel avanga an sikul khar a nih a, Mizorama a lo haw leh hnuah Royal Indian Air Force-ah air craftman-in a lût a. Sipaia a luh rualpuite hrilhfâk kai khawpin a hming a chher a. Lawmman chi hrang hrang: silai kah thiam ber, music instrument chi hrang hrang chelek thiam ber, sipai lâm zei ber tih ang reng lawmman kha a hui chho mawlh mawlh a; War Medal leh Independence Medal pawh a dawng a ni. Kar lovah Sergeant-ah kaisangin Assistant Bandmaster-ah dah a ni a. Zofate zinga band instructor hmasa ber a ni ta hial a ni. Bandmaster a niha rimawi hnamraw chi hrang hrang a kuta a han awm tâkah chuan thiam kim vek tumin a han zir leh ta tlauh tlauh va, program an neih dawna an band member zinga damlo an awm palh pawhin a tu ai mai pawh kha a awh thei ta zel a, an pute lawm a hlawh phah hle.
A hun laia natna tihbaiawm ber pawl TB natnain a tlâkbuak avanga Sipai atanga chawlhtir a ni a, thorax plasty operation- a, a nâkruh pakua lai paihsak a nih hnua a lo haw leh chuan, a natna avangin sawrkar hna lamah a hnawng tawh si a, huan siam lamah hma a’n keu tan a. Mizo chin dan anga lo neih ai chuan agriculture science hmanga huan siam kha a tuipui zawk a. Amah ngei pawhin fiamthuin, “Tuthlawh chelek hi ka chemkalna zawng tak a ni a; chem chelek erawh hi chu ka tuthlawh kalna lam a ni lo,” a ti nghe nghe. Tlangnuam tuikhur kamah chuan terrace laiin England lane, France lane, Denmark lane leh ama lane bik liau liau te siam hrang thliahin experiment a bei a. Mizorama lei tihthatna ‘chemical fertilizer’ ching chhuak hmasatu a ni nghe nghe. Mi kâwmkâr chhiar hnuaia ar-êk lei leh khawlai vawk-êk te chu, mi dawrâwn paih mawng a thawm that leh nên a awi liam ni tin ta mai a. A huan bul kawnga pa losûl haw te ani lei lai hriat phâk ngei tûra ringa an tawng a hriatte chu: “Khu eng nge maw a tih le?” “Bawng leh khau chaw tûr a siam a nih khu!” “Ni lo, antam zîkhlûm chîn a tum a nih khu. Tlangnuam ramah zîkhlûm a hlûm ve thei lo tih a la hre lo a nih khu. Vai rama sei lian a ni a, ram chinchâng a la hre ve lo a nih khu!” Khatianga an han tawngkhum pawh khan a tihnual chuang lo va. A taimak leh a thawhrim zarah thlai a thar hlawk hle a Mi dangina kum tluana an buh chin atanga an hlawhchhuah chu thla nga chhung lekin zikhlûmin a lei thei der a. Mizoram sawrkarina thlai entirsiakna (Community Project Exhibition) tum hnih a buatsaih (1954 & 1955)-ah pawh lawmman awm zawng zawng a hui fai pak deuh thaw a ni. A antam thar te chu thlangra tiat tiata hlai te a ni a, a ‘knol khol’ thar pakhat pawh inches 23 hawlhtlang a tling hial.
A hriselna a that loh chho zel avangin thahrui hmanga eizawn chu a chhunzawm hleithei ta lo va, thluak hmanga eizawnna lehkhabu ziah leh chhuah lamah a pakai ta a. Press hrang hrang (Khuma Printing press, Zoram Printing Press, etc.)-ah te Manager-cum-editor-in a awm a. A Zotawng thiam that tawk loh avangin mi ngawichawi leh zakzuma an sawi thin a ni a. Zotawng chu thiam tumin a han zir ta ngar ngar a. Pitar, putar te kâwm kualin, naupang inkhualtelem te hi a rei iak a thut chilh a, mi titi kotlângah dâkin an tawngkam hman te a chhinchhiah ru zel a. Mû-in an âr a lâk tum pawh a, a chhungte hnena, “Mû-in kan âr a phur bo daih,” ti te, ruah a tla dawn ni a a hriat avanga puan pho a seng pawh a, “Ka hriat danin ruah a sur vak a, kan puan sûk kha inah ka hruai haw vek,” ti te mai maia Zotawng hmang thin kha a han inzir tak tak chuan kum 6 chhung lekin Zotawng thiam berah a thang hman ta hial a ni.
Thil reng reng kha thiam tumin a chîk uluk peih a. An sikul kal laia Vai magician-ho magic tricts te kha uluk takin a en a, “Ngunthlûk taka ka chîk thin avang khan an trick ka man hman loh hi a awm ngai mang lo,” a ti hial a. Sipai atanga a chawlh hlimchhawn khan Aizawla sikul hrang hrang (Sikulpuiah te, Dawrpui M.E. School, etc.) -ah te, YMA hall leh hmun pawimawh tak takah mitdawivaih (magic) chu an chhuahtir ta sup sup a, hetiang magic show hi a hmain Mizo mipuite’n la hre ngai hlawm tehchiam hek lo, lar namen lohin a larpui a, Aizawl mipuiin an âtchilh a ni hawt mai. Kum 1951 kumhlui thlah zana a “magic show” lo chhim vetu Sâp Monsigner Bleen, CSC phei chuan, “A hmanrua leh an stage-in duhthu a sâm lo deuh mai pawha Sâpramah pawh hei aia hmuhnawm chu an chhuah bik lo,” a ti hial a ni.
Mi tumruh a nihzia chu, “A tâwk ta e,” a tih chuan kum 25 zet thian bera a lo neih tawh zu kha a thlah fel hmiah thei a. Chumi chen deuh thaw chhum lo chat lova a lo zûk thin meizial pawh a nghei fithla hmak thei a ni. “TB natna pawh ka ngam tawh a, cancer natna pawh hi ka hneh theih ka ring a ni,” ti ve ngam ngat mai kha a ni a. Mak angreng tak mai chu khatih laia TB natna avanga “thoracoplasty”-a nâkruh an paihsak zinga dam rei ber record-a an dah French pa kha a nâkruh 7 an paihsak hnu-ah hriselna dan engkim – ei leh thuhlaah te, taksa sawizawi chungchangah te – a zawm that avang khan kum 20 lai a dam a. JF-a kha chu a nâkruh 9 an paihsak hnu-ah kum 31 zet zu han dam a. “TB natna ka ngam,” a ti pawh hi a âwm lo hran lo ve.
Amah kha mi paukhauh, chhel leh huaisen tak a ni a. Kan hranghlui mual liam ta R.Vanlawma’n a sawi dan phei chuan TB avanga a nâkruh pakua an paih dawn pawh khan, “Nâkruh paih hi engtiang chiaha nâ nge a nih ka hre ve duh reng reng,” tiin nachhâwkna – hnimhlum emaw, kahhitna emaw – pawh hman duh lova hel tawrh ngat ngam kha a ni. Chutih lai vêk chuan amah kha mi lung no tak leh mi lungleng thei em em mai a ni mauh mai bawk a. Lehkha zira Chittagong-a vai zinga a awm laite khan a lung hi a a han lêng thei êm êm khawp a. Khawthlang Tuipui (Karnaphuli) luangte chu, “Hetah hian Zoram thlî a tel ve ngei ang,” ti tein hmai phih nân a hmang thin niin a sawi. Dârbu tum te kha pa upa lam chauh thiam tura ngaih a nih laiin kum riat mi a nih laiin an unau thumin an thiam tawh a. Gauhati Radio Station atanga Mizo Programme-a darbu tum an tihchhuah thin pawh kha an unau thuma an tum a ni. Chittagong sikula lût tûra a pa nen Sairanga an chhuk tum khan. Tlawng kamah Pâwih sumdawng dar-bêl phur an tâwk a. Sai thing la Tlawnga inbual an hmu bawk a, chuta a unaute hnena a lehkhathawn hmasak berah chuan, “Vawiin chu Haulawng ka ngai ngawt mai! Kan darbu hlaa, ‘Kal rawh, kal rawh, sai kal rawh. Tlawng dûng zawh rawh, Haulawng chil rawh. Pâwih chil rawh,’ tih thu kha a famkim teuh hle mai,” tiin a ziak a ni.
A phai kal hmaa lênkhâwm zai a hriat zawng zawngte chu theihnghilh lovin a vawng tlat a. A puitlin hnuah pawh a hriat belh zel bawk a. Zaipui tur a hmuh kha chuan tlaivar kha a peih deuh reng a. Catholic kohhranah lawi ni mah sela, Presbyterian kohhran lênkhawmnaah te kha a tel ve reng peih a. Mizorama a lo chhuah hlimchhawna zaikhâwmnaa a kal ve fo mai kha Pi Mûmi pawhin mak a ti thin hle a, “Dungtawi, hla pawh i hre ve mang âwm si lo va, engtin nge i zaikhâwm i zaikhâwm peih a?” ti a a lo zawh chuan, “A thu leh a thlûk tih loh chu ka hre vek alawm,” a ti mai thin. Khatia a han tuichilh tak tak hnuah kha chuan a hunlaia Mizote zinga, eng ang zai pawh hre tam ber pawla an sawi a nih phah thei ta a ni. Amah ngeiin hei hi mi lunglêng chi a nih vang niin a sawi a, “Lunglêng mi ni suh ila khawiah tehlul nge hla chang khat pawh fumfêa ka by-heart theih ang?” a ti thin.
Mite’na, “Engati nge Mizo tawng theihnghilh thak khawpa Vai rama seilian si, tûn kum ruk chhung emaw leka Mizo tawng thiam bera i than leh theih tak ?” ti a an zawh chang pawhin, “In mi fakderna hi tak tak ni se ka va han ti êm! Engpawh ni se, in rin aia ka thiam chak pawhin, mi lunglêng thei mi ka nih vang chauh a ni ang,” tiin a chhâng thin a ni.
Pathian thilsiam, khuarel te, hun inthlâk te, hunpui lo her chhuak te hian an lung an lên thei em em a, a lehkhathawnah pawh: “December thla thar ni te hian Krismas hla sa hian ka zai ka zai thin a. “Lal pian hun pangpar a vul leh ta,” tihte hi ka tuipui êm êm thin a. December ni khatah chuan nihawi hi chuan vul lai a tawng hman na meuh mai a. Mahse enchet dâwl zawk tlângsâm hi chu nghâkhlel takin ka lo thlir thin,” a ti a.
“Krismas chawhnu her, nî-ina tlâng pang a chhun tleu te hi ka ngai thiam lo. Tlai ni tla kâwl êng te hi hmu hreh chung chungin ka hmu ning lo. Pawm lai neih leh neih lohva î pawh a ni lo va, zan thla êng tak mai hnuaiah te hian ka muhil hleithei lo va, fianrialah hnah te ka va tum leh ringawt thin. Mi la mu nghet lote pawh an lunglêng ve thei a ni chêk ang chu, “Tû nge ni ta ngai?” ti ni âwm takin tukverhte hi an rawn hawng sap sap thin asin. Tlangsâm par, hlonuar leh theite par te hi enchet dâwl ka ti a, a par mal tê pawh hi rei fê ka bih peih thin,” ti têin a lunglen thin zia a sawi bawk.
Mahni hmasial lo, mi rilru tha a ni a. Thei leh thlai – âlû, serthlum tih angreng a lei dâwn te khan a tha tha a thlang ve duh ngai lo va, a lâk awlsam apiang kha a lei mai thin. “Duh han thlan zut zut chu a mahni hmasial thlâk ka ti a, keiin a tha tha nei ila, midangin a sawrbawl chhe tê tê nei se tihna ang thei dâwna ka hriat avangin duh ka thlang duh ngai lo,” a ti. Mi chuhhelh leh huamhauh a nih lohzia chu Mizo Academy of Letters-a a inhman ve lai pawh khan Assam sawrkar atanga lehkhabu chhuah tanpuina ( publication grants) kum tina lo kal thin te kha duh ni se chuan lo pusum têl ve awk thei a ni nachungin a lehkhabu chhut nân pawisa sen pawh a dil ve lo va; mi dang erawh chu a sawi hlawhtlinsak hnem viau lawi si a ni.
TB veite tana sawrkarina tanpuina a sem thin te kha amah duhsaktute’n dil ve tura an nawr chang paw’n, “Kei aia mamawh zawkte’n an chan loh phah palh dah ang nge,” tiin a hnial fithla thak thin. Khatia cancer a han vei zui lehzel tâkah kha chuan an chhungkaw khawsak a hniam lulai tawh bawk nen, tlawmngai thei leh mi dang hmakhawngaia khawsa hlei theiah a inngai ta lo va India Air Force lamah tanpuina a dil ve ta chawm a. Chuta a dilnaah pawh chuan, “Kei aia mamawh zâwk leh tanpuina pek âwm zâwk mi dang rawn dil an awm a nih chuan chu’ng mite chu pe zâwk ula, he ka dilna hi chu engmah lova ngaiin lo hmet hlâwm mai rawh u,” a la ti thei fan a ni.
Mi zaidam, hmangaihna ngah leh thuawih thei tak a ni a. A ti alawm, a û L. Biaktluanga chuan, “Unau mipa rual kan ni chung khan vawi khat mah a naute a velh emaw âwka vîna a hrâwk emaw ka hre ngai lo. A chhang chiahin a han khin ve arh arh tum te khan, ‘Liante, khatiang tur a ni ngai lo,’ tiin a zâwldawh zâwkah tangin a inbengdai hrâm thei zel.” Unau mipa ruala khawsak chuan thu chhia hla chhia neih châng a awm châwk a, han insual bap bap leh han invelh khat khat a tul thin hi. An unau hi 14 zet an ni a, a zaidamin a thinnel thawkhat ang tih chu a ngaihruat theih âwm e. A û vêk hian, “Tum khat chu ka inkhêl en tur hi mi a zui a, “Lo kal ve suh,” tiin lungin ka vawm a, phunnawi miah lovin, ngawi rengin a hâw ve mai bawk a. Ina ka hâw ve leh hnu chuan lungawi lo hmêl pawh hi a lo pu miah lo va. Inkhêl a en châk ve zia kha ka hre chiang si a, keimah leh keimah hi ka inthiam lo ru ngawih ngawih a. Khami tuma ka hruai ve ta lo kha tun thlengin ka la inchhîr tâwp thei lo va, thuâwih taka a hâw hnak hnak lai te kha ka mitthlâ-ah hian a châm reng thin,” tiin kum 1998 khan mittui parawl kuang chungin min hrilh a ni.
Lainatna ngah, mi khawngaih thei tak a ni a. Dibrugarh AMC Hospital, Cancer Ward-a sumpai lama harsa ve êm êma a awm lai te khan a bula cancer ve tho Vai putar dam lo, thih a hlat tawh lo vang tih tur hi an dah a. Chu vai damlo chuan neih hi a nei mang lova, han intuituah thei ziazâng a ni lo. JF-a chuan a khawngaih thei êm êm a, han tanpui turin eng ruai a nei bik si lo. Chu Vaipa hmui-hmai vel thovin a bâwm changte chuan chau chung chung pawhin a tho va, tho chu a va vai kiansak thin a. A nachhâwkna eiin hna a thawh lai, khawsikin a thlah lai chuhin, ama thawmhnaw a sû a, thawmhnaw sûktirna man tura a pawisa dah hran chuan a bula vai putar damlo chu serthlum a va leisak zu nia. Chu pa chuan lâwm mitmeng pu chung hian mi hriat chian tum ni âwm takin mi a han melh tâwk tâwk mai a ni, a ti.
Cancer Ward-a a awmlai vêk hian a chhungte lo enkawl tura a chah Chhingliana Hauhnar hnena a lehkhathawn-ah (31.1.1979) heti hian a ziak: “Kar hmasa Manipur naupang kum 9 mi vel beidawnga haw ta te pafa chu ka khawngaih khawp mai a. A û tlangval PU 2nd yr. mangang lutuk chuan an Tlângmi pui tiin ka khumah mi rawn bêl leh chawt thin a; lo hnema lo tawng thlamuan vak ngaihna ka hre si lo va. Khawibêl bu vantlâng tiat ngawt mai hian naupang bawpkhing lehlam chu a malpui bul atang hian a bâwk paw hruah mai a. Thla 6 vêl ni tawhin an sawi a. Vawi 30 hem hnu-ah pawh chhe tê mahin a la kiam chuang lo va; a thak erawh a reh tawh ni chauhin a sawi a. An han hâw tur chu ka khawngaih lutukin neih bîk loh nâk alaiin Rs 10/- chuan ka han thlah ta ringawt mai.
“Mizo biak-in bula inkulh khum chang lote pawh ka lainat avangin ka tlawh apiangin hmawmsawm, chini sêr khat tih anga duang leh chhang ka la kensak deuh ziah hlawm a. Hmân ni khaw that ni lan nî te khan pawisa chawia dhobi sûktir lovin ka silhfen bâl zawng zawng ka su e, ka ti a. Rs. 4/- vêl zawng ka hum phah ta ve ang,” tiin. Mite chu an cancer-in an chhungte’n an hrilh duh lo thin a; ani erawh chuan nâ an tiha an tuar thiam loh a hlauh avangin a chhungte a hrilh duh lo zawk a ni. Chhingliana hnenah tho hian, “Chhinga, ka cancer thu hi chu tumah lo hrilh suh ang che. Duh leh ka Pû leh Pa Ênga kha lo hrilh-ru chauh ang che,” tiin thu a chah a ni.
Tanpui ngaite a phâk ang tâwka tanpui tura inkau reng mai mi a nih avang khan Durtlang Damdawi-Ina “nurse” hnathawk (tuna Bilkhawthlira awm ta) Sawilaii hnena, Sâptawnga a lehkhathawnah (8.10.1978) pawh, “Tanpui ngai na tuarte zinga awmin hna i thawk a. I hmangaihna chhâng lêt thei lo che leh chhân lêt ngaihna che pawh hre lo hnena hmangaihna lantîr theihna remchang i nei bîk a, i awhawmin i thîkawm ngei mai. Hmangaihna chhân lêt loh emaw, phût lêt nei lo rawngbawlna emaw hi chu amah ngau ngau pawh hian malsawmna a ni sa reng si a,” a lo ti tawh a ni. Khatiang taka “nun tam nei” a nih vang kha ni hmiang amah hnîmhnaitu James Lian Mawia pawhin, “Ani tluka Pathian hria leh nun ngîl kha kan pulpit bêng dum dumtute zingah pawh hian an tam vak ang em aw? ka ti thin,” a ti hial reng a ni.
Subscribe to:
Posts (Atom)