RUAHSUR NASAT AVANGIN KHAW CHHUNGAH CHHIATAWK AN AWM.

Date Ni 24 Aug 2013 zan  dar 8 - 10 inkara ruahsur nasa tak avangin lengpui dawrkawn new market hnuai chhungkaw pa 3/4 vel inluah chu awm theihloh in tui in a chhim a, tui lian hian chhuat rual atanga patling kawng thleng vel a chhim ani. Bungrua te thiar chhuah nghal niin thi leh hliam erawh vaneihthlak takin an awm lo.

    Salianpuii in bul Pu chhungtea te in oposite kopanga awm (an hming ka hrechiah lo) te chu leimin in a hnawl a ,a hnuai kawngpui pawh leimin in a hnawh bawk.thi an awmlo a hliam erawh an awm nia hriat ani.kawngpui hi tlang leh mai tura thenfai nghal ani bawk.Pu Bolorama ,Pu Hruaia te dawr hnuai luah vawkte Masihi Sangati in krismass vawr tura an vulh chu tuilian hian a la bawk.

    Lengpui LAD Picnic spot pawh nasa takin a ti chhia a ,Entry gate vel bawr pawh a chhe nasa hle a hriat a ni.
Pu thangtea huan bula CRPF duty post pawh tlem a min a,kawng erawh a hnawh lo, Pu B.Tluanga vengthar in opp kopang pawh kawngpui hnawhbuai lo in a min bawk.

LENGPUI Br. YMA OFFICE Cum GODOWN

David Lalnunmawia

Vawiin dt. 06/07/2013 (Inrinni) hian Lengpui Br. YMA Office Cum Godown sak mek chu a bang pin a ni ta. Nimin khan a chung chih zawh a ni a, a bang pin a han ni leh nghal thei hi a lawmawm em em a. Kan hruaitute lawmna tizual thintu pakhat chu hnatlanga thawk chhuak mi tlawmngai an awm thei reng mai te hi a ni. Picture : Lengpui Br. YMA Office cum Godown @ July 6, 2013 (Sat - 10:00 am)

MHIP TEN DAY AN LAWM

Kenny Malsawmtluanga

MHIP TEN DAY AN LAWM

Vawiin Dt. 6th July 2013 hi Mizo Hmeichhe Insuihkhawm Pawl (MHIP) Day vawi 39-na a ni a. Lengpui Branch MHIP pawhin he ni hi lawmin vawiin chawhma atangin Day lawmna Programme an hmang tan a, zaninah a tiak ang. Pi. Zothankimi, Chairman, Mizoram State Social Welfare Board chu khuallian a ni. Tlai lamah ruai an buatsaih bawk.

Vanneihtluanga

Kan Kawmchhak Nula

Vàngkhaw màwitu, rualtin khûmtu, kan kawmchhak nula -
Kan lungdumtu, nun tinuamtu, Nuihiauvi nun kan hril dawn e.
Zofate khua vêl tapchhak záwlah chhíng zo an awm thei dawn lo.
Maian bai se, anţam tlak se, iskût chauh pawh kang sela
A tui ber mai Aw! Tui ber mai!
Phuihnam bai se, dailuah kang se, behlawi chauh pawh bai sela
A tui lehzual Aw! Tui lehzual!
Zaiin kan hril, kan sawi ning lo, kan kawmchhak nula -
Khua tin thang chhuak, ei rèl thiami, Nuihiauvi hming than zual sela
Tualchhunga val leh chhingkhual valten a pár zu thlum tlàn rawh se.
Zawngţah ziat se, tumbu bai se, behliang meuh pawh báwl sela
A phak ngai lo Aw! Phak ngai lo!
Baibing bai se, bapui chhùm se, telhàwng meuh pawh báwl sela
A thak ngai lo Aw! Thak ngai lo!
Chhak thlang chhim hmar válin an rïm, kam kawmchhak nula -
Hlim ten a chhàwn; vui an awm lo, Nuihiauvin rual kawm a thiam e
Rialnova thingpui no khat tui bik Valan a nghilh thei dawn lo.
Chhawhchhi déng se, vawk lú bai se, ar ríl meuh pawh phiar sela,
A buai chuang lo Aw! Buai chuang lo!
Zo chhang ât se, vaimim rawh se, tungrung meuh pawh bai sela
A zäm chung lo Aw! Zäm chuang lo!
Kan chhuang ber mai, leng tin khumi, kan kawmchhak nula -
Khuanun húal se, nun tinuaman, Nuihiauvi sumtual hmui sela
Zofate khua vel val zawng zinga val ţha nuthaiah kan hual.
Rawtuai bai se, hmarcha ráwt se, Hmar bai meuh pawh chhuang sela
A zei ber mai Aw! Zei ber mai!
Bekang báwl se, pasï sawh se, aidu chauh pawh siam sela
A thiam ber mai Aw! Thiam ber mai!
Neih loh awt lo, neih sa hmang thiam kan kawmchhak nula -
Zuapa lungdum, hraichawi muantu, Nuihiauvi nunkhua nuam sela
Mi neiha buai lo, neih tawka lawm ţhinte run màwiah kan hual
Chaw ţhing ring se, bahra lài se, meialh meuh pawh en sela
A ngui chuang lo Aw! ngui chuang lo
Ţàm kum thleng se, buhzém ruak se, chhuan hnih meuh pawh nghei sela
A vui chuang lo Aw! Vui chuang lo!

Kan Kawmchhak nula Aw! Nuihiauvi!

JF Laldailova (1925 – 1979)

A hnampuite’na chhuang em em a, “Mizo Shakespeare-a” kan tih hial khawpa thu leh hla thiam, mi bâk sâwna Zotawng lama diau lo leh mi bâk chhama Sâptawng lama duai lo, a hawina lam apianga Zofate min thlek rualtir dial dial thei khawpa huhâng leh huvâng ngah, tawng lettu (translator) themthiam tâwpthang, fakselna (criticism) lama hmahruaitu ropui, critic chhuanawm chungchuang, chanchinbu enkawltu (editor) tha eltiang, dictionary siamtu (lexicographer) duhawm filawr JF Laldailova (1925 – 1979) hi chu, “Mizo ka ni,” ti a inchhâl ngam chin, ziak leh chhiar thiam ve êk êk tawh phawt chuan kan hre fur awm e. Chuvangin, tun tumah chuan a nâwlpuiina kan hriat lem loh a mizia leh a nun lairil kan luhchilh dawn a ni.

Tam tak chuan a thu thiam zia te, Mizo fate tana a hnathawh ropui tak tak leh a rohlu min hnutchhiah zozaite hi hmuh kân a, enkhûmin a zu in thin te, a tâlpâwl ve deuh hun lai te hi sawi chîk tehah kan nei a. JF-a nun kha ngunthlûk taka kan bihchian chuan entawntlâk thil tam tak a awm a. Sum leh pai ngah, mi thiltithei leh ropuite ngaihsânna boruak chhia ringawtina a chiahpiah, Pathianina mitin thinlunga a dah mihring thatna leh ze duhawm lanchhuahtir nachang hre tawh miah lo khawpa kawng bote tan a nunah khan zir tur a kuh tul a ni.

JF Laldailova kha mi taima leh tumruh rum rût, a thil tih tawh kha chu âtchilh khawpa hlawhtling tlâka bei zel mai mi a ni a. Chuvangin a huang dai tawh chinah reng reng kha chuan “a ber” a kai thei zel a ni.

Kum 10 mi âwrh a nihin an unau zinga a berh ber chu St. Placid’s School, Chittagong-a kal turin Fr. Godfrey-a’n a thlang a. Saptawng emaw Vaitawng emaw pawh kawi khat mah hre lova sikul kal kha a ni bawk a, Vai naupangho khan an lo hmusit ngang mai a. “Lusei Hnam mawl” (Wild Lushai) ti te leh “Ramhnuai mi” (Jungly Man) ti tea chhaih nawmnahin an ûm dûl dûl a. Pûm tiat tiat hian an bâwr lut lut reng mai a. A tlân hah tâwpah tan khawhin a rawn khawih hmasa apiang a lo thuai let ve ta thin a. An zirtirtute’n an chhan a ngai fo thin. Mittui nena nî a vuiliam châng lah a tam thin narawh e.

Chu’ng avang chuan a rilru tipaukhauhin Vaiho chunga lêng thei tur chuan zirna lamah theihtâwpin tan a han khawh ta tak tak a. Saptawnga an classic thawnthu bu leh hriatna tizau thei science, mathematics leh literature lam tumahina chhiar tina an tin lohte chu library atanga hawhin a bûr ngar ngar a. Khaw thian that deuh zân te hian an hostel enkawltu (warden) mut pindana entlang lian an dah te chu ru chhuakin sikul inchung zâwlah a bun a, zankhua khua hian arsi te a thlir ru thin a. Zing thawh hmain a dah kir leh thin. Chutiang chiah chuan an sikula science laboratory te chu tukverh pakhat darthlalang keh atanga hawng rû-in zanah te hian a luhkhung ta thin a, an science kit man to pui pui, an zirtirtute pawhina chhawrbawl ngaihna an hriat lohte chu inzir nan a hmang thin a ni. Chutianga ngawrh taka a beih hnuah chuan an zirtirtute mit a tlun bâkah a zirlaipuite ngaihsan a lo hlawh ta a. A hmaa hmusit taka chhaih nawmnahtute ngei khan “Khawchhak mifing” (Wise man of the east) an ti ta hial a. “Lersia se chi tha” ang maiin a hmel en ai khan a lo lâktlâk a, zirna lamah pawh vawi 22 exam-ah vawi 17 lai pakhatna a ni.

Indopui Pahnihnain zualkai lam a pan zel avanga an sikul khar a nih a, Mizorama a lo haw leh hnuah Royal Indian Air Force-ah air craftman-in a lût a. Sipaia a luh rualpuite hrilhfâk kai khawpin a hming a chher a. Lawmman chi hrang hrang: silai kah thiam ber, music instrument chi hrang hrang chelek thiam ber, sipai lâm zei ber tih ang reng lawmman kha a hui chho mawlh mawlh a; War Medal leh Independence Medal pawh a dawng a ni. Kar lovah Sergeant-ah kaisangin Assistant Bandmaster-ah dah a ni a. Zofate zinga band instructor hmasa ber a ni ta hial a ni. Bandmaster a niha rimawi hnamraw chi hrang hrang a kuta a han awm tâkah chuan thiam kim vek tumin a han zir leh ta tlauh tlauh va, program an neih dawna an band member zinga damlo an awm palh pawhin a tu ai mai pawh kha a awh thei ta zel a, an pute lawm a hlawh phah hle.

A hun laia natna tihbaiawm ber pawl TB natnain a tlâkbuak avanga Sipai atanga chawlhtir a ni a, thorax plasty operation- a, a nâkruh pakua lai paihsak a nih hnua a lo haw leh chuan, a natna avangin sawrkar hna lamah a hnawng tawh si a, huan siam lamah hma a’n keu tan a. Mizo chin dan anga lo neih ai chuan agriculture science hmanga huan siam kha a tuipui zawk a. Amah ngei pawhin fiamthuin, “Tuthlawh chelek hi ka chemkalna zawng tak a ni a; chem chelek erawh hi chu ka tuthlawh kalna lam a ni lo,” a ti nghe nghe. Tlangnuam tuikhur kamah chuan terrace laiin England lane, France lane, Denmark lane leh ama lane bik liau liau te siam hrang thliahin experiment a bei a. Mizorama lei tihthatna ‘chemical fertilizer’ ching chhuak hmasatu a ni nghe nghe. Mi kâwmkâr chhiar hnuaia ar-êk lei leh khawlai vawk-êk te chu, mi dawrâwn paih mawng a thawm that leh nên a awi liam ni tin ta mai a. A huan bul kawnga pa losûl haw te ani lei lai hriat phâk ngei tûra ringa an tawng a hriatte chu: “Khu eng nge maw a tih le?” “Bawng leh khau chaw tûr a siam a nih khu!” “Ni lo, antam zîkhlûm chîn a tum a nih khu. Tlangnuam ramah zîkhlûm a hlûm ve thei lo tih a la hre lo a nih khu. Vai rama sei lian a ni a, ram chinchâng a la hre ve lo a nih khu!” Khatianga an han tawngkhum pawh khan a tihnual chuang lo va. A taimak leh a thawhrim zarah thlai a thar hlawk hle a Mi dangina kum tluana an buh chin atanga an hlawhchhuah chu thla nga chhung lekin zikhlûmin a lei thei der a. Mizoram sawrkarina thlai entirsiakna (Community Project Exhibition) tum hnih a buatsaih (1954 & 1955)-ah pawh lawmman awm zawng zawng a hui fai pak deuh thaw a ni. A antam thar te chu thlangra tiat tiata hlai te a ni a, a ‘knol khol’ thar pakhat pawh inches 23 hawlhtlang a tling hial.

A hriselna a that loh chho zel avangin thahrui hmanga eizawn chu a chhunzawm hleithei ta lo va, thluak hmanga eizawnna lehkhabu ziah leh chhuah lamah a pakai ta a. Press hrang hrang (Khuma Printing press, Zoram Printing Press, etc.)-ah te Manager-cum-editor-in a awm a. A Zotawng thiam that tawk loh avangin mi ngawichawi leh zakzuma an sawi thin a ni a. Zotawng chu thiam tumin a han zir ta ngar ngar a. Pitar, putar te kâwm kualin, naupang inkhualtelem te hi a rei iak a thut chilh a, mi titi kotlângah dâkin an tawngkam hman te a chhinchhiah ru zel a. Mû-in an âr a lâk tum pawh a, a chhungte hnena, “Mû-in kan âr a phur bo daih,” ti te, ruah a tla dawn ni a a hriat avanga puan pho a seng pawh a, “Ka hriat danin ruah a sur vak a, kan puan sûk kha inah ka hruai haw vek,” ti te mai maia Zotawng hmang thin kha a han inzir tak tak chuan kum 6 chhung lekin Zotawng thiam berah a thang hman ta hial a ni.

Thil reng reng kha thiam tumin a chîk uluk peih a. An sikul kal laia Vai magician-ho magic tricts te kha uluk takin a en a, “Ngunthlûk taka ka chîk thin avang khan an trick ka man hman loh hi a awm ngai mang lo,” a ti hial a. Sipai atanga a chawlh hlimchhawn khan Aizawla sikul hrang hrang (Sikulpuiah te, Dawrpui M.E. School, etc.) -ah te, YMA hall leh hmun pawimawh tak takah mitdawivaih (magic) chu an chhuahtir ta sup sup a, hetiang magic show hi a hmain Mizo mipuite’n la hre ngai hlawm tehchiam hek lo, lar namen lohin a larpui a, Aizawl mipuiin an âtchilh a ni hawt mai. Kum 1951 kumhlui thlah zana a “magic show” lo chhim vetu Sâp Monsigner Bleen, CSC phei chuan, “A hmanrua leh an stage-in duhthu a sâm lo deuh mai pawha Sâpramah pawh hei aia hmuhnawm chu an chhuah bik lo,” a ti hial a ni.

Mi tumruh a nihzia chu, “A tâwk ta e,” a tih chuan kum 25 zet thian bera a lo neih tawh zu kha a thlah fel hmiah thei a. Chumi chen deuh thaw chhum lo chat lova a lo zûk thin meizial pawh a nghei fithla hmak thei a ni. “TB natna pawh ka ngam tawh a, cancer natna pawh hi ka hneh theih ka ring a ni,” ti ve ngam ngat mai kha a ni a. Mak angreng tak mai chu khatih laia TB natna avanga “thoracoplasty”-a nâkruh an paihsak zinga dam rei ber record-a an dah French pa kha a nâkruh 7 an paihsak hnu-ah hriselna dan engkim – ei leh thuhlaah te, taksa sawizawi chungchangah te – a zawm that avang khan kum 20 lai a dam a. JF-a kha chu a nâkruh 9 an paihsak hnu-ah kum 31 zet zu han dam a. “TB natna ka ngam,” a ti pawh hi a âwm lo hran lo ve.

Amah kha mi paukhauh, chhel leh huaisen tak a ni a. Kan hranghlui mual liam ta R.Vanlawma’n a sawi dan phei chuan TB avanga a nâkruh pakua an paih dawn pawh khan, “Nâkruh paih hi engtiang chiaha nâ nge a nih ka hre ve duh reng reng,” tiin nachhâwkna – hnimhlum emaw, kahhitna emaw – pawh hman duh lova hel tawrh ngat ngam kha a ni. Chutih lai vêk chuan amah kha mi lung no tak leh mi lungleng thei em em mai a ni mauh mai bawk a. Lehkha zira Chittagong-a vai zinga a awm laite khan a lung hi a a han lêng thei êm êm khawp a. Khawthlang Tuipui (Karnaphuli) luangte chu, “Hetah hian Zoram thlî a tel ve ngei ang,” ti tein hmai phih nân a hmang thin niin a sawi. Dârbu tum te kha pa upa lam chauh thiam tura ngaih a nih laiin kum riat mi a nih laiin an unau thumin an thiam tawh a. Gauhati Radio Station atanga Mizo Programme-a darbu tum an tihchhuah thin pawh kha an unau thuma an tum a ni. Chittagong sikula lût tûra a pa nen Sairanga an chhuk tum khan. Tlawng kamah Pâwih sumdawng dar-bêl phur an tâwk a. Sai thing la Tlawnga inbual an hmu bawk a, chuta a unaute hnena a lehkhathawn hmasak berah chuan, “Vawiin chu Haulawng ka ngai ngawt mai! Kan darbu hlaa, ‘Kal rawh, kal rawh, sai kal rawh.  Tlawng dûng zawh rawh, Haulawng chil rawh.  Pâwih chil rawh,’ tih thu kha a famkim teuh hle mai,” tiin a ziak a ni.

A phai kal hmaa lênkhâwm zai a hriat zawng zawngte chu theihnghilh lovin a vawng tlat a. A puitlin hnuah pawh a hriat belh zel bawk a. Zaipui tur a hmuh kha chuan tlaivar kha a peih deuh reng a. Catholic kohhranah lawi ni mah sela, Presbyterian kohhran lênkhawmnaah te kha a tel ve reng peih a. Mizorama a lo chhuah hlimchhawna zaikhâwmnaa a kal ve fo mai kha Pi Mûmi pawhin mak a ti thin hle a, “Dungtawi, hla pawh i hre ve mang âwm si lo va, engtin nge i zaikhâwm i zaikhâwm peih a?” ti a a lo zawh chuan, “A thu leh a thlûk tih loh chu ka hre vek alawm,” a ti mai thin. Khatia a han tuichilh tak tak hnuah kha chuan a hunlaia Mizote zinga, eng ang zai pawh hre tam ber pawla an sawi a nih phah thei ta a ni. Amah ngeiin hei hi mi lunglêng chi a nih vang niin a sawi a, “Lunglêng mi ni suh ila khawiah tehlul nge hla chang khat pawh fumfêa ka by-heart theih ang?” a ti thin.

Mite’na, “Engati nge Mizo tawng theihnghilh thak khawpa Vai rama seilian si, tûn kum ruk chhung emaw leka Mizo tawng thiam bera i than leh theih tak ?” ti a an zawh chang pawhin, “In mi fakderna hi tak tak ni se ka va han ti êm! Engpawh ni se, in rin aia ka thiam chak pawhin, mi lunglêng thei mi ka nih vang chauh a ni ang,” tiin a chhâng thin a ni.

Pathian thilsiam, khuarel te, hun inthlâk te, hunpui lo her chhuak te hian an lung an lên thei em em a, a lehkhathawnah pawh: “December thla thar ni te hian Krismas hla sa hian ka zai ka zai thin a. “Lal pian hun pangpar a vul leh ta,” tihte hi ka tuipui êm êm thin a. December ni khatah chuan nihawi hi chuan vul lai a tawng hman na meuh mai a. Mahse enchet dâwl zawk tlângsâm hi chu nghâkhlel takin ka lo thlir thin,” a ti a.

“Krismas chawhnu her, nî-ina tlâng pang a chhun tleu te hi ka ngai thiam lo. Tlai ni tla kâwl êng te hi hmu hreh chung chungin ka hmu ning lo. Pawm lai neih leh neih lohva î pawh a ni lo va, zan thla êng tak mai hnuaiah te hian ka muhil hleithei lo va, fianrialah hnah te ka va tum leh ringawt thin. Mi la mu nghet lote pawh an lunglêng ve thei a ni chêk ang chu, “Tû nge ni ta ngai?” ti ni âwm takin tukverhte hi an rawn hawng sap sap thin asin. Tlangsâm par, hlonuar leh theite par te hi enchet dâwl ka ti a, a par mal tê pawh hi rei fê ka bih peih thin,” ti têin a lunglen thin zia a sawi bawk.

Mahni hmasial lo, mi rilru tha a ni a. Thei leh thlai – âlû, serthlum tih angreng a lei dâwn te khan a tha tha a thlang ve duh ngai lo va, a lâk awlsam apiang kha a lei mai thin. “Duh han thlan zut zut chu a mahni hmasial thlâk ka ti a, keiin a tha tha nei ila, midangin a sawrbawl chhe tê tê nei se tihna ang thei dâwna ka hriat avangin duh ka thlang duh ngai lo,” a ti. Mi chuhhelh leh huamhauh a nih lohzia chu Mizo Academy of Letters-a a inhman ve lai pawh khan Assam sawrkar atanga lehkhabu chhuah tanpuina ( publication grants) kum tina lo kal thin te kha duh ni se chuan lo pusum têl ve awk thei a ni nachungin a lehkhabu chhut nân pawisa sen pawh a dil ve lo va; mi dang erawh chu a sawi hlawhtlinsak hnem viau lawi si a ni.

TB veite tana sawrkarina tanpuina a sem thin te kha amah duhsaktute’n dil ve tura an nawr chang paw’n, “Kei aia mamawh zawkte’n an chan loh phah palh dah ang nge,” tiin a hnial fithla thak thin. Khatia cancer a han vei zui lehzel tâkah kha chuan an chhungkaw khawsak a hniam lulai tawh bawk nen, tlawmngai thei leh mi dang hmakhawngaia khawsa hlei theiah a inngai ta lo va India Air Force lamah tanpuina a dil ve ta chawm a. Chuta a dilnaah pawh chuan, “Kei aia mamawh zâwk leh tanpuina pek âwm zâwk mi dang rawn dil an awm a nih chuan chu’ng mite chu pe zâwk ula, he ka dilna hi chu engmah lova ngaiin lo hmet hlâwm mai rawh u,” a la ti thei fan a ni.

Mi zaidam, hmangaihna ngah leh thuawih thei tak a ni a. A ti alawm, a û L. Biaktluanga chuan, “Unau mipa rual kan ni chung khan vawi khat mah a naute a velh emaw âwka vîna a hrâwk emaw ka hre ngai lo. A chhang chiahin a han khin ve arh arh tum te khan, ‘Liante, khatiang tur a ni ngai lo,’ tiin a zâwldawh zâwkah tangin a inbengdai hrâm thei zel.” Unau mipa ruala khawsak chuan thu chhia hla chhia neih châng a awm châwk a, han insual bap bap leh han invelh khat khat a tul thin hi. An unau hi 14 zet an ni a, a zaidamin a thinnel thawkhat ang tih chu a ngaihruat theih âwm e. A û vêk hian, “Tum khat chu ka inkhêl en tur hi mi a zui a, “Lo kal ve suh,” tiin lungin ka vawm a, phunnawi miah lovin, ngawi rengin a hâw ve mai bawk a. Ina ka hâw ve leh hnu chuan lungawi lo hmêl pawh hi a lo pu miah lo va. Inkhêl a en châk ve zia kha ka hre chiang si a, keimah leh keimah hi ka inthiam lo ru ngawih ngawih a. Khami tuma ka hruai ve ta lo kha tun thlengin ka la inchhîr tâwp thei lo va, thuâwih taka a hâw hnak hnak lai te kha ka mitthlâ-ah hian a châm reng thin,” tiin kum 1998 khan mittui parawl kuang chungin min hrilh a ni.

Lainatna ngah, mi khawngaih thei tak a ni a. Dibrugarh AMC Hospital, Cancer Ward-a sumpai lama harsa ve êm êma a awm lai te khan a bula cancer ve tho Vai putar dam lo, thih a hlat tawh lo vang tih tur hi an dah a. Chu vai damlo chuan neih hi a nei mang lova, han intuituah thei ziazâng a ni lo. JF-a chuan a khawngaih thei êm êm a, han tanpui turin eng ruai a nei bik si lo. Chu Vaipa hmui-hmai vel thovin a bâwm changte chuan chau chung chung pawhin a tho va, tho chu a va vai kiansak thin a. A nachhâwkna eiin hna a thawh lai, khawsikin a thlah lai chuhin, ama thawmhnaw a sû a, thawmhnaw sûktirna man tura a pawisa dah hran chuan a bula vai putar damlo chu serthlum a va leisak zu nia. Chu pa chuan lâwm mitmeng pu chung hian mi hriat chian tum ni âwm takin mi a han melh tâwk tâwk mai a ni, a ti.

Cancer Ward-a a awmlai vêk hian a chhungte lo enkawl tura a chah Chhingliana Hauhnar hnena a lehkhathawn-ah (31.1.1979) heti hian a ziak: “Kar hmasa Manipur naupang kum 9 mi vel beidawnga haw ta te pafa chu ka khawngaih khawp mai a. A û tlangval PU 2nd yr. mangang lutuk chuan an Tlângmi pui tiin ka khumah mi rawn bêl leh chawt thin a; lo hnema lo tawng thlamuan vak ngaihna ka hre si lo va. Khawibêl bu vantlâng tiat ngawt mai hian naupang bawpkhing lehlam chu a malpui bul atang hian a bâwk paw hruah mai a. Thla 6 vêl ni tawhin an sawi a. Vawi 30 hem hnu-ah pawh chhe tê mahin a la kiam chuang lo va; a thak erawh a reh tawh ni chauhin a sawi a. An han hâw tur chu ka khawngaih lutukin neih bîk loh nâk alaiin Rs 10/- chuan ka han thlah ta ringawt mai.

“Mizo biak-in bula inkulh khum chang lote pawh ka lainat avangin ka tlawh apiangin hmawmsawm, chini sêr khat tih anga duang leh chhang ka la kensak deuh ziah hlawm a. Hmân ni khaw that ni lan nî te khan pawisa chawia dhobi sûktir lovin ka silhfen bâl zawng zawng ka su e, ka ti a. Rs. 4/- vêl zawng ka hum phah ta ve ang,” tiin. Mite chu an cancer-in an chhungte’n an hrilh duh lo thin a; ani erawh chuan nâ an tiha an tuar thiam loh a hlauh avangin a chhungte a hrilh duh lo zawk a ni. Chhingliana hnenah tho hian, “Chhinga, ka cancer thu hi chu tumah lo hrilh suh ang che. Duh leh ka Pû leh Pa Ênga kha lo hrilh-ru chauh ang che,” tiin thu a chah a ni.

Tanpui ngaite a phâk ang tâwka tanpui tura inkau reng mai mi a nih avang khan Durtlang Damdawi-Ina “nurse” hnathawk (tuna Bilkhawthlira awm ta) Sawilaii hnena, Sâptawnga a lehkhathawnah (8.10.1978) pawh, “Tanpui ngai na tuarte zinga awmin hna i thawk a. I hmangaihna chhâng lêt thei lo che leh chhân lêt ngaihna che pawh hre lo hnena hmangaihna lantîr theihna remchang i nei bîk a, i awhawmin i thîkawm ngei mai. Hmangaihna chhân lêt loh emaw, phût lêt nei lo rawngbawlna emaw hi chu amah ngau ngau pawh hian malsawmna a ni sa reng si a,” a lo ti tawh a ni. Khatiang taka “nun tam nei” a nih vang kha ni hmiang amah hnîmhnaitu James Lian Mawia pawhin, “Ani tluka Pathian hria leh nun ngîl kha kan pulpit bêng dum dumtute zingah pawh hian an tam vak ang em aw? ka ti thin,” a ti hial reng a ni.

KALVARI CELLPHONE.

September 25th, 2012 10:00 pm by Amiko Chhakchhuak

Khawvel changkanna thlipuiin min nuai a, kan thle dual dual a, tunlaiah technology changkang tak a chhuak a, mobile phone pawh kan ramin a hmel hriatna ala rei loh ngaihtuah chuan tuna kan din hmun chu sang tawh tak a ni. Manse kei chuan mobile phone changkang tak chanchin ka sawi dawn lova, a hriat pawh ka hre lo, khawvel mitin in kan neih cell phone chungchang kan khel ve leh teh ang.

He cellphone hi chu a neitu zira changkang a ni a, top up thun angai hran lova recharge a ngai hek lo, hman theih a nih na turin tower a ngai lo bawk. A hranpa a dawra lei chi ani hek lo, ni khua i hriat kha chuan a nung a i hmang nghal char char thei. Mirethei tan neih a harsa lova mirethei te zingah hmang kan tam hlei hlei zawk, a hausa te hi chuan hmanna tur an nei ve meuh lo zawk niin alang.

Balance thun angai hran lova unlimited calling a siam a nih avang hian, i hman peih chhung chu i hmang thei, night pack tih vel a awm lo bawk, chhun zan zawmin i duh duh hunah i hmang per per thei, duh leh ring takin i biak tura chu i bia anga, duh leh ri miah lo pawhin i be thei i biak a khan alo hre vek tho dawn a ni. Tiangkhawpa cellphone changkang leh tha si hi hmang duh leh hmang thin erawh kan tam lo, a aia tha zawk leh tangkai zawk alang tunlaiah alo chhuak hnem ta deuh pawh ani ange a.

He cellphone hi a simple thei ang bera duan a ni a, eng software mah chhawm zuk han nei miah lova mawle hei vang te pawh hi a ni ange kan hman duh hlawm loh, tunlai technology tharah hi chuan a changkang thei ang bera duan ani tawh hlawm a, Bluetooth kan ti infrared tih vel, music player, camera pixel tha tak tak, aaaa khai a changkang ani tawp mai zofa ten kan hriat thiam phak loh thil changkang hlawm lian tak nisi lo te tak te te chhungah hian an khung khawm vek mai a, touch screen tea lo chhuak zel a, a changkang apiang ka awt a, kan it a mahni thawh chhuah phulo leh kan khawsak millo khawpin kan chetsan phah zawng a nih hlawm hi maw.

Mahse ka sawi cellphone ah hi chuan thil changkang sawi tur engmah a awm lova, tawng hmanga mi biak na chauh mai hi a ni mai a, biak mawlh mawlh ani mai. Mahse thiante biak nan te chhungte biak nan te a hman theih ani ve lova, mipakhat chauh a biak theih a ni. Hei vang te pawh hi a ni ange kan hman peih loh, ani chu engkim ti thei tu a ni a, kan mamawh zawng zawng min petu, kan dil bak leh kan mamawh ni pawh a kan hriat loh thleng a min petu ani tih kan hriat chian loh vang leh amah mamawhna neilo ni a kan in hrait tlat vanga he cellphone hi hmang talo te pawh kanni awm e.

(Sermon awki deuh takin) Aw ka unau khawvela i thil hlu zawng zawng te, i hlimpui zawng zawngte khan chawlhna hmun nuam a thlenpui dawn hauh lo che a, hlimna tluanting a pe thei bawk lo che, nitin nun kawng dika i kala hlimna i neih a, midang tana malsawmna i nih theih nan i kalvari cellphone kha hmang ve thin teh. I duh duh i sawi thei a, thupha chawina emaw, lawmthu sawina i mamawh dilna emaw pawh, thu ropui leh te lua a awm lo, i biak pawh na nghakin nitin darkar tin i phone rik hun alo chang reng che ani.

He kalvari cellphone ka tih hi engdang nilovin TAWNGTAINA hi a ni, pathian nen a kan in biak theihna a ni a, manganna leh lawman i neih reng rengin a hmasa berah he cellphone hmang hian engkim titheia chu phone hmasa zet la anin I tana tha tur i hlimna tur chu alo tihsak em em ang che tih ka ringtlat a ni.

Kan khawvel a changkang tial tial a, Pathian kan hnaih lo tial tial niin alang a, ringtuten kan tih loh tur kan ti tam ta mah mah in ka hre ve a, kan tih ngei ngei tur lam kan hriat theih nan a tunlai mil deuhin kan ziak ve leh khanglang a nih hi. Sum tam tak tangkai mang hlei lo biak nan kan seng phal tho si a, sum sen ngai miahlo a engkim tithei zawk kan be tha leh duh hauh silo hian ka rilru atina ve deuh a, kan ram a dam leh nan leh muanna kan neih theih nan eirukna inrik rapna leh ram chhe mek dannanmitin ten kan Kalvari cellphone hmang hian LALPA i be mawlh mawlh ang u.

KA NU

                         
Pathian hian khati khawpa duhawm leh hmeltha ang kha mihring a lo siam a ni maw tih ka ngaihtuah chhuahna chu kha naupang hmel duhawm zet ka hmuh atang khan a ni.A nu he leia awm tawh lo chu lehkhathawn a duhthu apa bulah a hrilha,apa chu a hrilhhai hle mai a..An hrilhfiah ngial pawn chu naupang chuan a thawn a duh thu bawkin a chang a,apa chuan han sawila ka lo ziahsak dawn che nia a tia,naupang te chuan a sawi zela a pa chuan mittui tla chungin a fanu hmuh hlau si in a ziak zela an ziah zawh hnu chuan naupangte chu a muhil tawh  a.Kha zan kha Apa tan chuan zan hreawm tak a ni ve ngei ang..A tuk ah chuan naupangte chuan apa bulah a nu lehkhathawn na tur  Dak in awmna a zawta.apa chuan envelopeah a kung saka , An in atanga a hnaih avangin amahin phur lutukin a tlan a ,  a nu in a chana a lo thawn hun tur te ngaihtuah neuh2 in kawngah a kala.Kawng kan a tumchiah chu motor chak taka rawn tlan chuan a chil ta a a thi ta nghal a.Mi an pungkhawm luih2 karah chuan a kuta lehkhathawn niawmtak awm chu ka la ka chhiar he thu hi a lo in ziaka
"Kanu,min kalsan nikhan ka pa in i nu chu a lo ho leh vat dawn a lawm a ti si a,ka lo nghak char2 thin che a i lo haw duh bawk si lo a,Nu,,Ka thiante chu an nu ten sikulah te an thlaha mahse keichu apa'n min kalpui thin a.I lo haw vat dwn loh chuan i bulah a pa nen lo kal ve ka duh tawh a,hei lehkha ka lo thawn che a min lo chang rawh aw.kan bula i awm theihloh chuan i bula awm pawh ka duh zawk keichuan ka ngai lutk tawh che a."atihziak ka hmu a .A duhna ber A Nu bulah chuan a kal ta a

KRISTIAN HLA BU HRIATZAUNA (Tunge fiah peih)

Zodina Khiangte

1. Hla awm zawng zawng - 600
2. Thluk 2 nei hla - 30
3. Thlum 3 nei - 8
4. Hla key nei zawng zawng - 609
5. Lengkhawm zai key dah ve loh - 29
6. Hla key tam dan indawt
1) G key - 136
2) Abkey - 86
3) Bbkey - 83
4) Ebkey - 74
5) F key - 67
6) A key - 49
7) C key - 47
8) D key - 42
9) E key - 15
10) Dbkey - 11
11) B key - 1

7. Minor hla thluk - 21
8. Hla key thlak awm zat - 22
9. Hla chang leh thunawn vuak inthlak - 20
10. Hla vuak zat (measure) hrang hrang awm tam dan indawt (A chang leh thunawn inthlak tel lovin)
1) Vuak 4 - Hla 325
2) Vuak 6 - Hla 105
3) Vuak 3 - Hla 104
4) Vuak 2 - Hla 25
5) Vuak 9 - Hla 23
6) Vuak 12 - Hla 7

Kawiah nge NIT???

Tuesday, 24 JANUARY 2012 12:17

Kan ramah NIT a awm dawn a ni tih kan hriat khan kan lawm a,Beisana sang tak nen kan lo thlir a.A tak tak hmuh hma ngawt in an hmun tur ah kan buai ta tlat mai.Hei vang hian beiseina sang tak kan neih te pawh hi a dul phah te pawn ka hria.Inhnialna leh buaina thleng kher lo a lo dawn dsawn dan te hi zir a ngai chu nih hi!!! NIT awmna hmun tur lo en fel a,NIT awmna tur awm ang khua Mizorama lo en tura an thlan chuah,mi thiam te awm khawmna ni ngei tura ka ngaih ten Lengpui a awm ngei tura an duh thu an sawi lang a,mahse a theih ta tlat loh.Hei hi engvang nge ni ta ang le??Ngaihtuah tham tak a tling ka ti.He thu an hriat avang hian Lengpui khawtlang hruaituten zirmi ten an duhna hmun ngei kan khua te alo nih ve chuan tiin nakin zela a lo tangkaipui theih zawk theihna tur nia a lan ve avangin an inhmukhawma, ram pawh an pe ngei e,rang thei ang berin sorkar mi pawimawh te an hmu kuala,a chhana chu Thenzawl lama dah tur tih hi a ni tawp mai.Nakin zela a thatna tur zawk a ni a nge tiin Lengpui lam hian beiseina kan nei tawh lo. Thenzawl lama a hmun tur te TV a a rawn lan zak zak tawh hnuin ,Central lam a hotu lian ho an rawn kal apiang hian Lengpui in NIT hmun atana ram kan pekna hmun chu an rawn en leh thin.Lengpui khawtlang hruaitu te an fakawm thin hle.Chawlhni inkhawm thulh a an va enpui chang te pawh a awm.In khuaah hian a awm ngei ang tih lam a min mangtha mai lo hian.In khua ah hi chuan awm se kan duh an ti leh ringawt thin.Kan khua hi kan va buai ta ve.Khi lamah an ti fel vek tawh maw kan tih laia.Vai lo kal ho lah chuan min rawn ensak sek mai sia.Tunah hian beiseina thar min rawn siam leh deuh . Lengpui lam hian NIT hi kan khua a awm tura kan duh em em vang lam ani lo tih te pawh hi min lo hriatsak se.Beisei bo anga kan ngaihtawh laia kan beiseina an rawn kaitho leh tlat thin tu te an awm leh thin te hian a awmna hmun tur tak min ti hriatchak zual phah a,a ranga lama tih fel thei nise a van duhawm dawn em? A ram leilung fate induhsakna hi a sang mah mah em aw tih te min ngaituah tir ut ut ta mai.Mizoram in kan tangkai zawka kan chhawr theihna tura kan mithiam rualten an duhna hmun ah hian dah theih loh na chan tal emaw hriat a chakawm mange.

                                                                                Vanhmngliana lengpui

BSF HMUN PUI LENGPUI-A AWM HI A THA EM.?

Lawmthanga Ralte

:Tunlai hian Lengpui rama BSF ten awmna hmun tur an zawn chung chang thawm kha a lo ri chhuak leh a,VC lam chuan sitting-naah sawi hoin, vote laknaah a duh lam member an chak ni awma thu dawn a ni a.Amaherawhchu,NGOhrang hrangte ngaihdan lakkhawm phawt nise,ni 15 chhunga pawl ngaihdan chu thehluh tura thu tih tluk phawt a ni.Thu dawnnain a sawi danin pawl pakhat lek pawhin a duh lo zawnga thutlukna an siam chuan BSF awm hi a rem dawn lo niin a sawi.He thu hi joint committee in vawihnih a lo hnawl tawha,thar thawh that zel a ni a,tun hi kan lo thleng leh ta a ni. BSF AWM HI KAN THATPUI ANG NGE KAN INCHHIRNA LA SIAMTU TUR.?

Pawisa thawh leh VC.

Zodina Khiangte

NIT hmun tur ram lei na tur khan lungrual takin Pawisa kan thawh a, khata tang khan Lengpui Weekly chanchinbu ah hian Pawisa thawh tur thu hi kan hmu ta fo mai a. Vawiin chhuakah pawh internal road atan kan thawh tur thu alo lang leh ta a. Thil chiang tak a lang chu, tul bik ah leh vantlang tan chuan tuman kan ui hauhlo ni in alang.
Chutihrual rualin NREGA atanga kan thawh piahlam a development hrang hrang leh VC achievement hi hriat a chakawm thin ngawt mai. Lengpui VC thuchhuah leh hmalakna chanchinbu atanga kanlo hmuh theih chu Ran khuahkhirh, Kumtlinglo motor khalh,etc. tihvel bak han phul pui hlut tur hi a awm lemlo a ni. Tunhnai a kalo phurpui leh kalo fak ve em em na thenkhat, Sanitation lam te, Basketball court tih changtlun tihte lah Vantlang pawisa thawhkhawm atang zelin a lo nih hmel sia. Pawisa thawhkhawm hi kan inhuam tlang leh lutuk anga (hahtak a thawhchhuah leh kanlo thlirve rauh rauh chu nise adang deuh mai thei) khawtlang hmasawnna tur thil reng reng THAWHKHAWM hmachhuan in ruahmanna hi kan siam zel tawh mai ang tih a hlauhawm. Khawtlang Nu leh Pa fing leh remhre tak tak an awm hlauh erawh a thlamuanthlak.
A tul chuan kan thawh zel ang, mahse hmundang atanga nawr chhuah theih leh development kallai ah te chuan hmang heu ta lo in, sawrkar atanga nawr chhuahdan dap hmasa ila a tangkai in a chhenfakawm lehzual ang. Kan VC te hi hminghliau na em em neilo in, fak viau mah ila hei aia nasa zawk hian (vantlang pawisa thawh khawm leh NREGA tiamlo in) development sum haichhuah dan te an hria in hma minla sawn pui thei in a rinawm. A hmun a hrechiang ve manglo leh ral atanga thlirdan mai ania in ngaihdan hriat a chakawm hlemai...thawh hrehlo tih vangin a tul bak bakin kan thawh mawlh mawlh mai ang tih a hlauhawm a lawm.

Tualvungi leh Zawlpala

Tualvungi hi a hunlaia hmeichhe hmel\ha hmingthang a ni a, Mual\huam hnam a ni a. Thenzawl piah, Mual\huam hmuna Mual\huamho an awm laia nula hmel\ha a ni. Zawlpala hi Phunte hnam a ni a, Phunte lal Phulpuia fapa a ni. Phunteho Phulpuia an awm laia an lal chu Phulpuia a ni a, a hming chawiin Phulpui khua pawh hi phuah a ni a. Phunte leh Mual\huamho hi Mizorama thlangtla hmasa zinga mi an ni a.
Phulpui khuaa an awmlai chuan Zawlpala chuan Tualvungi chu nupuiah a va nei a, hlim tak leh induh tawn takin an awm a. Chutih hnu rei vak lovah Phulpui kiang lawk, Arthlawrah khaw thar satin Zawlpalate nupa chu an indang a, an sulhnu tam ber pawh Arthlawrah hian a awm ta a ni.
Chuta an awmlai chuan an tualah chuan lungpher lianpui mai, rem taka indawh hi a awm a, chu lungpherah chuan Tualvungi chuan puan a tah \hin a. A puan tahna kiangah chuan a themtui hnawihtur tui chhuna khur Zawlpala chuan a siamsak a. An vawk chaw thleng lung ker kual te, an sangha khawinate leh Tualvungi intur tui thuhruknate pawh a awm bawk. An tui thuhruk chu hlain miten an phuah a,
Fai takin Chhingpui va bual ang che,
Hmanah Zawlpal Tualvung di nen lenlaiin;
An thuhruk zotui a thiang reng e.

Zawlpala leh Tualvungite chu fa nei lovin an awm reng a, fa nei lo mah se, an inhmangaih tawn em avangin an hlim thova. Tualvungi hmel\hat thu chu a thang nasa deuh deuh va, nu a nih hnuah pawh en turin mi an lo kal reng a, an tum aiin an hmu hmel\ha zel bawk a.
Khual pang zin ka a\angin Tualvungi hmel\hatzia chu Tuirial chhak, Theihai ram, Rothai tlang Vai lalpa (Reng) beng pawh a thleng ta hial a. He Reng hi a ropui khawp a, engkim mai hi a ber chan hi a tum bulpui ber pakhat a ni fova. Nikhat chu Arthlawr tlanga lalnu hmel\ha, miten an sawi luai luai chu hmu ve turin a hote nen an thawkchhuak ta a, a duhzawng a nih phawt chuan rilru dang pawh pu mai thei turin a inbuatsaih lawk a.
He Reng lal hi Phun\iha tiin an sawi mai \hin a, a awmlaiin tumah an phun ru ngam lova, engmah an inhrilhru ngam hek lo. Phun hlek pawh an \ih em em a, chuvangin lalpa hming atan chuan Phun\iha an vuah mai a ni.
Phun\iha leh a hote chu Chawilung khua an lut a, chuta \angin Arthlawrah chuan an kal leh ta a. Tualvungi chu an zu hmu ta a. Phun\iha chuan \ha a ti hle mai a, Phun\iha hmel Zawlpala'n a lo hmuh chuan a ngaih a \ha lova, lal ropui tak a ni si a, a lo hlauh tlawn a. Phun\iha chuan \ha a tih em avangin Zawlpala hnenah chuan, "Zawlpal, i nupui nge i farnu?" a han ti a. Zawlpala chuan a nupui a ni tih a hrilh chuan a thah mai a hlau si a, "Ka farnu," a ti ta a.

Phun\iha chuan Tualvungi chu a hmuh phat a\angin a ngaizawng hle si a, a pasal Zawlpala'n 'ka farnu' a tih takah chuan, A nih leh min neihtir rawh, a manah engzat nge i chhiar ang?" a ti ta sek sek mai a. Zawlpala chuan a ngaihna a hre lo hle a, Phun\iha hlau rilru tak chungin, a neih zawh rual loh tura a rinin Tualvungi mantur chu a chhiar ta a. "Sial, ban thal khat, Fei, banglai khat, |hi, tungchaw khata ban, Puan, tlangban uai tliak khawp," a ti a. Phun\iha chuan, "Ka han haw leh rih phawt ang a, a man tur kengin ka lo thawk chhuak leh ang," a ti a, a haw ta a.

Phun\iha chuan Tualvungi chu neih ngei a duh a, a man tur zawngin a hote a tir a. Lal ropui leh hausa tak a lo ni sa bawk nen, rei vak lovah chuan a tuak ngah ta mai a. Tualvungi man tur keng chuan an thawkchhuak leh ta a. A tirah chuan Tualvungite nupa chuan Phun\iha chu a lokal leh tak tak pawh an ring lova, ngaih\hat lohna pawh an nei lem lova. Mahse, Phun\iha leh a hote chu |hing\im ram a\anga Chhawrtui ral an lo thleng chu an lo thleng chu an hmu ta mai a. An tam si a, ral a\angte hian an lang thim nghuk mai a. Sial an rawn khalh kawi nguah nguah a, Phun\iha chhiahhlawhte chu thuam phurin an inzuikawi duah duah a. Phun\iha chu lal takin a kal a, Vai puan sen a sin a, a lang sen hlur mai a.

Chutianga Tualvungi man hlan tura an lo thawkchuak chu Zawlpalate nupain an han hriat chuan an mangang ta em em mai a. Tihngaihna kawng dang lah a awm tawh mang si lova. Tualvungi mangang chuan, "Ka nupui a ni a, a rai a ni, lo ti mai rawh," tiin Zawlpala chu a nawr a. Zawlpala lah chuan ni theiin a hre bawk si lova.
A saw ralah saw ralah
Changtui ralah saw ralah
Sawm sial saw zawng rawn kai e
Vai puansen rawn sin e
Ka di e, Zawlpala e
A rai e lo ti ang che
a ti a. Zawlpala lah chua mangang a, \hulh mai theih a ni tawh si lova.
Phun\iha leh a hote chu an lo thleng ta a, Phun\iha chuan Zawlpala thu chu engmah a la duh tawh lova, Zawlpala chuan rem loh thu eng emawte han sawi tum ve ngial mah sela, a ngaihthlak sak duh tawh miah lova. Tichuan, Tualvungi chu a neihsak ta a.
Phun\iha chuan Tualvungi chu Zawlpala nupui a ni tih a hrechiang em em a, chuvangin eng hunah emaw a ruk chhuah mai hlauh leh thik fawmin Zawlpala chu eng emaw tia thah a rilruk ta a. Chawilung a\anga chuan Arthlawr kiang lawk, Tualphei ram a zuan ta a. A hma aiin an inhnaih ta sawt a. Phun\iha chuan Tualvungi chu a duat em em a, Zawlpala theihnghilhtir a tum a. Tualvungi'n Zawlpala a ngaihzia te a han hmuh chuan khawngaih leh thik a fawm a.

Vawikhat chu Tualvungi hnenah chuan, "I nu\apa Zawlpala hi kan hnaih tawh bawk a, rei deuh chama zin turin chah ta che," a ti a. Tualvungi chuan Phun\iha rilru awm ang chu hre bawk mah sela, Zawlpala chu a ngai em em si a, an inven zawh maite pawh a ring ve bawk a, Zawlpala chu zin turin a chah ta a.
Zawlpalan Tualvungin zin tura a chah thu a lo hriat chuan; a ngaih leh hmuh chak ber mai a ni si a, engmah pawh dawn chiang hman lovin a insiam sawk sawk a, Phun\ihate khuaah chuan a zin ta a. Zawlpala chu Phun\iha'n a lo hmuh chuan \hat a chhuah der a, Tualvungi chuan a hlauhthawn pui hle thung a. Phun\iha a lo \hat em avang chuan Zawlpala chu a ngam ta hle a. Tualvungi chuan fimkhur turin Zawlpala chu a chah mawlh mawlh reng a.

Nikhat chu Tualvungi awm loh hlanin Zawlpala leh Phun\iha chuan zufang an in dun a, bapui hem hmin an hmeh a. A hnu rei vak lovah Zawlpala pum chu a na ta riai riai a, Zawlpala pum nat thu chu Tualvungi'n a hriat veleh thil awm dante chu a han zawt chiang a. Phun\iha'n a dawi a ni tih a hre ta a, Zawlpala hnenah chuan, "Tunah hian tlan haw vang vang la, i khum laizawlah i la thi hman mai thei a ni. Tihngaihna dang a awm si lova, kei chu min ngaihtuah suh ang che," a ti a, Zawlpala chu hmanhmawh takin a tlan haw ta a. In a thlen chuan khum laizawlah a thi ta a ni.
Zawlpala thih thu Tualvungi zuk hrilh tur chuan tumah kal ngam an awm lova, Phun\iha kha a hlauhawmin Tualvungi chu tuma biak ve a phal meuh lova. Zawlpala thih thu Tualvungi han hrilh loh chu ni theiin an hre si lova, Zawlpala chhungte leh upaho chu an inrawn khawm deuh reng a, a ruka hrilh zai an rel ta a. Zualko kal tur tlangval an zawng a, kal tum sa reng tlangval pakhat an hmu a. Ni sarih chhung Phun\iha hriat lohvin Zawlpala thih thu a ruka hrilh a theih loh pawhin a langa hrilh a lo tum rilru a.
Chu tlangval chu a kal ta a, tuma hriat lohvin nithum chhungin Tualvungi chu a hrilh thei ta a ni. Mi tlem te, thu zep thei chin chauhvin an hria a. Berhva kawna Kawlawia thih thu pawh tlaiberhin a hrilh a, Zawlpala thih thu Tualvungi hrilhtu chu vahui a ni e, an ti a. Vahuiin a hrilh dan chu thiam takin an phuah ta a ni.
Zawlpal ha wtak hnu chuan Tualvungi chu ngaih\ha lo takin a awm reng a, a thih ngei a ring si a. A beisei ruk ang ngeiin Zawlpala thih thu chu a hre ta a. Hre mah sela, Zawlpala vui tur chuan a kal nghal thei lova. Tlangvalin Zawlpala thih thu Tualvungi a zuk hrilh hnu chuan Tualvungi nghahin awmzia a nei si lova, Zawlpala thlan chu thuk takin an lai a. Sial an talh a, Zawlpala chu an phum ta a. Zawlpala thlan bulah chuan far\uah leh vaube te an phun ta \euh va.
Zawlpala tih thu chu Tualvungin a hriat hnu chuan hrehawm a ti zual hle a. Phun\iha a hrilh duh bik si lova, a tuar ngawt ngawt a. A hnu feah Phun\iha hnenah chuan, "Ka unaupa Zawlpala kha dam mang lo chunga haw a ni a, zan hnih khat lek riakin ka han kan ang e," tiin a dil a. Nimahsela, Phun\iha chuan a thih ngei a ring a, a kal mai chuan a intihhlum ve maite a hlau va, khuarei deuh hnuah kal sela, a thin a dam deuh a ring a. Kal a phal ta lova. Kal phal loh ngawt chu niin a hre si lova, chhuanlam a siam ta zel a.
"Kan ar no hi han keu sela, i kal dawn nia," a ti a. Tualvungi chuan Phun\iha rilru chu a hrethiam a, "Aw le," a ti ve mai a. Ar no chu a keu va, kal a han tum meuh chuan, "Kan vawkin no han nei zet sela," a ti leh ta a. Vawk chuan no a nei a, Tualvungin kal a han tum leh chuan Phun\iha chuan, "Kan kelin no han nei ve leh rih phawt rawh se," a ti leh a. Kel chuan no a nei a, Tualvungin ka a han tum chuan, "Kan sialin no han hring rih zet sela," a ti leh ta a. Chutianga an innghah chhung chuan kum pawh a vei duak duak a.
Khua a lo rei ta a, Phun\iha chuan Tualvungi lungleng thinlung nâ pawh dam deuh tawhin a ring a, a khuahkhirh lutuk ta lova. Tualvungi chuan Zawlpala kana zin chu a la tum ta fan a, Phun\iha hnenah chuan a dil leh a. Phun\iha chuan chhuanlam siamtur a haih chham ve ta a, phal lo nih a duh si lova, phal si, phal lovin a awm reng a. Phal anga lang siin, a kal theih lohna tur a ngaihtuah reng a.
Tualvungi kal dawn chuan chem a tat hriam a, kawngkaah, kân zawnga rah ngei turin a zangthal a. Tualvungi kaltur chuan Phun\iha duh ang ngeiin a rap ta a, a inrap na hle a. Phun\iha chuan chuti chung chuan a kal mai ring ta lova, a hoten ramchhuah puiah an sawm reng bawk nen; a ramchhuah san ta a.
Tualvungi chuan a ke chu na hle mah sela, hun remchang chu chuhin thula a puanrin thar chu a pawt thler a, a hliam chu a tuam a, Phun\iha ramkal tur chhuah ve leh chuan tiang hawl chungin a kal ve ta daih a.
Arthlawr khua chu a hla lo bawk a, rei loteah a thleng ta a. Zawlpala thlanah far\uah, vau leh khaukhim an phunte chu a lo vul chuk tawh a. Zawlpala thlanah chuan a \ap a \ap a. Chutia a \ahlai chuan pitar pakhat hi a rawn kal a, a rawn \ahpui ve a. Tualvungi chuan, "Ka pi, Zawlpala thlan hi hai hawng ila, a bulah ka zuk mu ve ang a, ka thinah chemtein rawn vit la, ka \hi leh ka neih zawng zawng hi i rawn nei dawn nia," a ti a. Pitar chuan Tualvungi chu a khawngaih a, thlan chu an lai hawng a, Zawlpala ruh chu a lo filh vek tawh a. Tualvungi chuan lungchhe takin a \ah a \ah a. Thlanah chuan a inzalh ve ta a, pitar te chuan a tihlum ta a.
Phun\iha ram chhuak chu a lo haw a, a hlawhtling hle naa, Tualvungi a lo awm tak loh avangin a hrilh a haiin a thina ur hle a. Tualvungi lam tur chuan Arthlawrah a kal ve ta a. Arthlawr a han thlen chuan Tualvungi, Zawlpala thih thu hrilhtu chu a zawng vel a, khuaa mite chuan rem an lo ruat tawh angin, "Kawlawi athih thu pawh tlaiberhin a hrilh a, vahuiin a hrilh a niang. Tumahin kan hrilh lo," an ti tlat a. Phun\iha chu a lungni lo hle a, Tualvungi thih dan a han hriat phei chuan a thin a rim zual a.
Thlan chu a hai hawng ve leh ta a, an lai hawn rual chuan thlan chhung a\ang chuan phengphehlep pahnih hi an lo thlawk chhuak a, an lengdun ta rial rial a. Phun\iha chuan Zawlpala leh Tualvungi thlarau ni ngeiin a ring a, an lengdun ta chu a thik hle a. "Phengphehlep indi rial rial, indi hrawkhrui," a ti a, an thlawk sang duh mang si lova, a thikthu chhia chuan a kawlhnamin sah a tum a, a vai a vai a. Ama khup chu a sat ta a, a sat nâ si a, a hliam na hle mai a.

Chutihlai chuan Tualvungi tihlumtu pitar bawk kha a va kal a, Phun\iha chuan a hliam nat bakah Tualvungi bula zu mut ve chu a duh a. "Ka pi, ka dam zo chuang dawn love, Tualvungi bulah hian ka zuk mu ang a, min rawn vithlum la, heng ka ro thil zawng zawng hi i rawn nei dawn nia," a ti a. Pitar te chuan rem a ti a, Phun\iha chu Tualvungi bulah chuan a zu inzalh a, pitar chuan a tihlum ta a. A thlan chu \ha takin a chhilh a, a ro chu a nei ta a.

Phun\iha fapa chuan a pa chu Tualvungi thlanah a inzalh a, a thi tih a lo hriat chuan, a pa ruang la turin a kal a. Thlan chu a lai hawng ve leh ta a, a laih hawn rual chuan phengphehlep dum \ial rek raw, nawn sei tak nei hi a lo thlawk chhuak ve leh a. A pa thlarau a nih a ring hle mai a, phengphehlep chu zawn nei niawm takin a thlawkbo nghal ta a. Phun\iha ruang chu a fapa chuan a hawn phei a, Tualphei ramah chuan an hal ral ta a.
Phun\iha fapa hi Tualphei ram a\ang chuan Tachhipah te, Kelsihah te a awm phei zel a. Aizawlah reo fe a awm leh a, Aizawla a awmlai chuan ai hi a ching \euh mai a, chumi chawi chuan Aizawl tih hming pawh hi an lo vuah ta a ni. Aizawl vela thingpui tam tak awm pawh hi 'Phun\iha fapa phun a ni e,' an ti bawk.
Tualvungi ruang chu a chhungten an va la ve leh thung a, Thenzawlah an phum a, an phumna kiangah chuan thing an phun a. Zawlpala thlan pawh chu tun thlengin far\uah hmun a ni ta a,
Hmanah Tualvung Zawlpal thlanah
Va tinreng lung an lawm nan
|uang\uah par a vul leh e,
tiin hla an phuah nghe nghe a ni.

Vawiin chu 'Remna Ni' pualin lam hla taka rual duh leng Lengkhawpui tualfa zawng zawng te tan Lengpui Weekly dt. 30th June, 2013 Issue hi ka'n post leh ang e ..... johna pa

Vawiin chu 'Remna Ni' pualin lam hla taka rual duh leng Lengkhawpui tualfa zawng zawng te tan Lengpui Weekly dt. 30th June, 2013 Issue hi ka'n post leh ang e .....Editor David Lalnunmawia (johna pa)                                      LENGPUI WEEKLY
Headlines : Ruihhlo Zuar Man An Ni
Pathianni kalta khan Lengpui Branch YMA hruaitute leh Lengpui VC member te chuan Venghluia zu zuar Pi Sangluaii zu fun khat an mansak a, Dinthar Venga awm Pu Lalthlamuana zu nia hriat fun ruk masak a ni bawk. Thawhtanni dt. 24/06/2013 zingkar khan Dinthar Vengah hian zu vaia chhuah leh thut a ni a, hemi tum hian Pu Lalthlamuana zu hralh zo chiah chu nanchin a niiin, fun hnih mansak a ni a, a dang atla keh hman bawk a ni. Lengpui Branch YMA chuan ruihhlo leh sual laka kan khawtlang a lo thianghlim deuh deuh theih nan a theih ang tawka hma a lakna kawngah ruihhlo/zu zuar hriat chian emaw, mansak emaw te chu an chenna in thlenga kalhsak hial mai a duh tawh laiin, heng a chunga tarlan chhungkaw hnih te erawh chu YMA kalhsak ngai lovin an lo inthiar fihlim a, a lawmawm hle. Lengpui Branch YMA chuan Inluah tur nei te chu hriat chian loh luahtir lo tur leh, ruihhlo zuar reng reng te pawh an in luahtir lo turin a ngen nawn leh bawk a ni.

Special Report : 
Zirna In Dinhmun Tlangpui
Lengpui khawchhunga zirna in hrang hrang te dinhmun thar ber, kum 2013 -14 Academic session kal mekah, a hmasa ber atan chuan zirlai ngah ber Presbyterian English School, Lengpui dinhmun lo tarlang teh ang. 
Kg I : Mipa 22, hmeichhia 23, an vaiin 45,
Kg II : Mipa 24, hmeichhia 26, an vaiin 50, 
Cl -I : Mipa 20, hmeichhia 28, an vaiin 48,
Cl-II : Mipa 27, hmeichhia 18, an vaiin 45,
Cl-III : Mipa 14, hmeichhia 17, an vaiin 31,
Cl-IV : Mipa 16, hmeichhia 11, an vaiin 27
Cl - V : Mipa 11, hmeichhia 10, an vaiin 21,
Cl - VI : Mipa 4, hmeichhia 3, an vaiin 7,
Cl - VII : Mipa 4, hmeichhia 9, an vaiin 13,
Cl - VIII : Mipa 6, hmeichhia 2, an vaiin 8
Zirlai mipa zawng zawng 148 niin, zirlai hmeichhia zawng zawng chu 147 an ni a, an vaiin 295 an ni. Nikum aiin kumin hian zirlai hi 76 laiin an tam zawk a ni. Lengpui PES-ah tunah hian Teaching staff hi Principal nen an vaiin 13 an awm a, Assistant 3 an awm bawk. Sikul Building thar an luah theih tep thu dawn a ni bawk.

Internal Road Siamthat Pawm 
Thawhlehni dt. 25/06/2013 zan khan Lengpui VC chuan Job Card nei chhungtin aiawh kokhawmin Lengpui Community Hall-ah MGNREGA hnuaiah Gram Sabha neih a ni. He inkhawmah hian Lengpui VC-in kan khawchhung kawng pawimawh tak tak MGNREGA hnuai atanga kan thawh a, lirthei kal theihna tur leh a tulna hmuna lei dawh a nih theih nana ruahmanna an siam chu mipui kalkhawm te chuan tha an tiin an pawmpui.Hemi tum vek hian kan khawtlang hmasawnna tur leh rotling siam na tur anih phawt chuan niza inhlawh atanga kan hlawh hmuh tur te pawh vantlang tana thawh rawtna awm pawh lungrual taka pawm tlan a ni bawk.

Tualchhung :

Shillong Lamah Kal
Tun thlatir lama Aizawla inkhelthiam an zawnnaah Lengpui tlangval R. Lalhmangaihzuala s/o R. Vanlalruata, Dinthar Veng chu Royal Wahingdoh Football Club, Meghalaya chuan an Club U-19 player turin Mizo rawlthar engemawzat an lak thar zingah a tel ve. Tunah hian Tv Hmangaiha hi Shillong panin an chhuak tawh nghe nghe a ni.
Ran Khuahkhirh Loh Man
Tunkar chhung khan Lengpui VC chuan ran khuahkhirh loh Ui panga, kel paruk leh ar panga an man a, ran neitute chu pawisa chawitir an ni.
VC Member Damlo
Pu Zodinpuia, Lengpui Vengthar, VC Member nilai chu thisen sang leh zunthlum vangin kar hmasa lam atang khan Civil Hospital, Aizawlah enkawl a ni a, a ziaawm chho viau tawh tih thu dawn a ni.
PRISIM VC Ngen Dawn
PRISM Lengpui Br. chuan Lengpui VC chu kan khawtlanga sorkar department hrang hrang te leh tlawmngai pawl hrang hrang te kokhawm a, joint meeting neih huaihawt tura ngen ni se an ti. Tin, huan nghet ni lo leh innghahna tlak lo huan te chu niza inhlawhna atanga thawhsak tawh lo tur leh, kan Primary Sikul pathuma choka thar sak te chu a hmun enho pui tura an ngen dawn thu, an Secretary Pu Malsawmkima hnen atangin Lengpui Weekly chuan thu a dawng.
Airport Tifaiin MHIP Hnatlang
Zirtawpni khan Lengpui Branch MHIP member 25 lai chuan an Day vawi 39-na lawm nan a thlawnin Lengpui Airport tifaiin an hnatlang. Hnatlanga chhuak te chu Pu JP Remthanga,(SI Police) Aviation Tlang chuan chhun thingpui a lo tumsak avangin a chungah an lawmthu an hruaitute’n an sawi nghe nghe a ni.
(MHIP Hnatlang hi sumtuak hnatlang zawk a ni a, hriat sual palh vang a ni e....Ed)

Lengpui Branch YMA Huang : 

Branch Exe. Committee Thu
Zirtawpni dt. 28/06/2013 zan khan Library Building-ah Lengpui Branch YMA Executive Committee chu a thu a, thu pawimawh tak tak rel te tarlang ila -
1. YMA Day 2013 thlir let a ni a. Kumin hian Pathian kaihhruaina leh venna zarah YMA Day tluang taka kan hman theih avangte, kan hun duan te pawh tluang taka kan hman theih avang te’n a lawmawm kan ti a. Miharsa puala hnatlang kan nei thei te kha a ropui kan tiin, Lengpui Br. MHIP hruaitute’n min tawiawm thin avanga lawmawm kan tih thu te sawi lan a ni a. Tin, kan program duan thenkhat tihhlawhtlin theih tak loh a awm chuan kalkhawm te a tibangbo deuh a kan hriat thu te pawh sawi lan a ni bawk. Cultural Items lam program-ah awm se member te min hip khawm tam deuh kan beisei thu te, Br. Ex. Com. Member leh member te’n kan Day leh kan program te tun ai hian ngai pawimawh zual deuh deuh ila a nuam leh zual ang tih te chu sawi lan a ni bawk. 
Branch Committee-a ngaihtuah tur Group discussion thu kha chu OB te’n lo thliar fel hmasa se la, hun remchang hmasaah la ngaihtuah leh ni se tih a ni bawk.
2. Kan Auditor-te Pu Lalthakima Ralte leh Tv HS Zosanglura te’n kum chanve atana an sum audit chu report an pe a. Kimchang taka report an pek theih avangin a lawmawm hlein Committee chuan a hria a, an report leh tuldang te chu nung taka sawiho zui nghal a ni bawk.(Audit report hi phek 3-naah tarlan a ni)
3. YMA Office cum Godown kan sak mekah naktuk hian a (dt. 29/06/13) a thei thei hnatlanga chhuah ni se tih a ni a, hun remchang hmasa berah hemi pual hian hnatlang koh ni se tih a ni bawk. He kan Building sak mek atan kan sum dah Cheng 80,000/- chuan a daih dawn tak loh avangin a tul angin sumpui atanga Insdakna tur lak ni se, hmanrua te pawh atul anga dap khawm zel ni se tih a ni.
4. Kan Branch-in damlo kanna tura cheng 500/- kan hman mek chu la tihdanglam rih loh ni se tih a ni.
5. Damlohna avanga harsatna tawk mek Pu PC Lianmawia, Venghlui te chu tanpui nan Cheng 2000/- pek ni se tih a ni.

Tihdikna : Kar kalta Issue-ah khan YMA Day intihsiak male voice-a pakhatna Khuangchera Section tih kha ‘Vanapa Section’ tih zawk tur a ni a, tihsualah thupha kan chawi e.
Balu Pe - Kan Office sak meka hman turin Pu HL Zoramchhana, Jeremy Hardware Store, Venglai chuan balu tin 10 zet min pe a, a chungah kan lawm hle.
## 
## YMA Day-a miharsa pual hnatlang puala mi thahnemngaite sum thawh kha Cheng 850/- a ni e.

LENGPUI BR. YMA KUM CHANVE SUM AUDIT REPORT TLANGPUI
@ Branch Sum :-
Kum 2012 sum hman bang - Rs. 15, 460/-
Kum 2013-a lakluh - Rs. 3,30,675/-
Kum 2013-a hman ral - Rs. 1,72,709/-
Sum la awm - Rs. 1,73,426/-

@ Khuangchera Section :-
Kum 2012 sum hman bang - Rs. 5032/-
Kum 2013-a lak luh - Rs. 4540/-
Kum 2013-a hman ral tawh - Rs. 6390/-
Sum la awm - Rs. 3182/-

@ Vanapa Section :-
Kum 2012 sum hman bang - Rs. 5008/-
Kum 2013-a lak luh - Rs. 3950/-
Kum 2013 -a hman ral - Rs. 2624/-
Sum la awm - Rs. 6334/-

@ Lengpui Weekly : -
Kum 2012-a sum hman bang - Rs. 12,050/-
Kum 2013-a lak luh - Rs. 40,200/-
Kum 2013-a hman ral - Rs. 36, 135/-
Sum la awm - Rs. 16, 115/-

@ Chhiatni Fund :-
Kum 2012-a sum hman bang - Nil
Kum 2013-a thawh khawm - Rs. 64, 650/-
Kum 2013-a hman ral - Rs. 24, 700/-
Sum la awm - Rs. 39, 950/-

@ Lengpui YMA Library :-
Kum 2012-a sum hman bang - Rs. 950/-
Kum 2013-a sum lak luh - Rs. 1465/-
Kum 2013-a hman ral - Rs. 1410/-

Model Branch YMA Huang :

HRIATTIRNA LEH NGENNA
Central YMA -in Sanitation chungchanga hmala tura min ngen angin Model Br. YMA chuan kan huam chhungah kawng hnaiha awm lung dahkhawm te, thingkhawn leh tlangban te chu member hnatlang te’n a neitute thilawmzia hrilhin vengchhung a lo nawm zawkna a nih beiseiin kan senghawisak a. He hmalakna hi hrethiam turin vantlang mipui leh chhungtinte kan inngen nawn leh a ni. Vantlang kawng hnaih lutuka hmanrua leh bungrua te dah lo turin chhungtinte kan inngen a, he hmalakna hi a tul anga bawhzui zel a ni ang.
Sd/- R. Lalhmachhuana, 
President, Model Br. YMA

Lengpui Branch MHIP Huang :

Lengpui Br. MHIP Thuthar 
@ Lengpui Br. MHIP hrtuaitute hnen atanga Lengpui Weekly-in thu a dawn danin, kar hmasa lam tawh khan vai sipai tu emaw te’n beisei nei taka an chhawn chhaih hmeichhe pahnih chu awm dan thiam zel turin an fuih.
@ Puan Khuh - Mizo tlangval pahnih India Sipaia tang, Jammu & Kashmir hmuna helho kut tuara boral te chu dt. 27/06/13 khan Lengpui Airport-ah an ruang lo hmuah ve niin, an pahnih hian puana khuh ve ve a ni.
@ Pathianni kalta khan hmeichhe awmtha duhlo leh ruihhlo vaiin khawchhung hmun hrang hrangah an kal kual.
@ MHIP Day v-39-na lawm turin an inbuatsaih mek.

M.H.I.P DAY VAWI 39-NA LAWMNA PROGRAM :
A hun : July.6.2013 (Inrinni)
A hmun : Lengpui Community Hall 
Thupui : HMEICHHIATE MAWHPHURHNA
PROGRAMME No. I
A hun : Ni 6/6/13 - Inrinni Zing Dar 7 : 00 
A hmun : G&SA Playground, Lengpui 
Chairman : Pu Lal Hmasaa Ralte, Sr. Adv
Competition : Volleyball
PROGRAMME No. II
A hun : Ni 6/6/13 - Inrinni Zing Dar 10:00
A hmun : Lengpui Community Hall 
Chairman : Pi Lalsapi, Branch President, 
Tanna Hla : Aw Pathian nang Lalber i ni. (K.H.B 16)
Hunserh : Pi Zahmingliani, EC Member
Member Boral sunna : By Chairman
Special Items : Creach School Naupang
Branch Report : Pi T. Lalhunnghaki, Br. Secy, 
Section Competition : Solo
Thusawi : Pi Zothankimi, Chairman SWB
Section Competition : (1) Recitation
(2) Lengkhawmzai (3) Member Inchhiar
Dar 12 : 30 – 1 : 00 Pm
Refreshment…………Refreshment………Refreshment…..
PROGRAMME No. III
A hun : Ni 6/6/13 - Inrinni Chawhnu Dar 1:00 
A hmun : G&SA Playground, Lengpui 
Chairman : Pu Lal Hmasaa Ralte, Sr. Adviser
Competition : Chheihlam, Parlam, Kawikah, Mizo Inchei.
Dar 3 : 30 Pm – 5 : 00 Pm
Ruai……………Ruai…………..Ruai
PROGRAMME No. IV
A hun : Ni 6/6/13 - Inrinni zan dar 7:30 
A hmun : Lengpui Community Hall 
Chairman : Pi T. Lalhunnghaki, Br. Secy, Tanna Hla : Aw Nang, kan Lal kan Pathian 
(KHB 585)
Hunserh : Pi Lalthanmawii, EC Member
Solo : Lucy Lalbiaktluangi
Thupui sawi : Hmeichhia te mawhphurhna
Sawitu : Pi Lalsapi, Pre, Lengpui Br M.H.I.P
Special Items : Laltheri Section
Thutawi sawi: Lengpui Village Council aiawh
Solo : Nl Lalnunthari
Section Report : Section thum atangin
Solo : Nl Lalchullovi
Lawmthu sawi : Branch Secretary atangin
Result puan : Branch Secretary atangin
Lawmman sem : Pu H. Lalnundika, Vice Pre., V/C Lengpui.
( Programme te hi a tul anga tih danglam theih a ni ang) 

Sports :

WIMBLEDON 2013
Grand Slam Tennis zinga ngaihhlut ber WIMBLEDON Tennis Championship vawi 127-na khelh mekah French Open 2013 champion hlimhlawt R. Nadal chu a tla tawh a, a ni bakah hian Roger Federer pawh a tla tawh bawk. Hmeichhe lamah Maria Sharapova leh Radwanska te chu tla tawh langsar zinga mi an ni. Hetih lai hian Novak Djokovic, Andy Murray, David Ferer, Tommy Hass, Serena Williams leh Bartoli te chu chak langsar an la ni rih bawk.
BRAZIL Vs SPAIN 
Brazil, South America-a khelh mek FIFA Confederation Cup 2013 (vawi 9-na) Final-ah a thlengtu Brazil leh World Champion nilai Spain te an intum dawn. He inkhel tur hi mi tam tak chuan ram leh ram inkhel turah chuan tunhnai chhoa en chakawm ber a ni ang e tih a ni. Brazil hian Uruguay chu Semi final-ah sihnih sikhatin an hneh a, Spain chuan 2006 World Champion Italy chu hun pangngaiah leh pek belhah goal awm lova an inhnehtawk pui hnuin tie-break-ah 7-6 in an chak ve bawk a ni. Anni inkhel tur hi zanin ni mahse, Thawhtan zing lam dar 3:30 -ah an tan ang.
FIFA U-20 World Cup 2013
Turkey-a khelh mek FIFA Under 20 World Cup-ah Spain & France (gr. A), Portugal & Nigeria (Gr. B) te’n 2nd round an lut a, June 28 & 29 khan Gr. dang te’n an match hnuhnung an khel a, result erawh kan hre hman ta lo. Second round hi July 2 & 3 -ah khelh a ni ang. Kan hriat theih china group hrang hrang dinhmun chu hetiang hi a ni -
Gr. A Gr. B Gr. C
Team Pld Pts Team Pld Pts Team Pld Pts
Spain -3 9 Portugal - 3 7 Colombia - 3 7
France - 3 4 Nigeria - 3 6 Turkey - 3 6 Ghana - 3 3 S. Korea - 3 4 El Savador- 2 3
USA - 3 1 Cuba - 3 0 Australia - 2 1

Gr. D Gr. E Gr. F
Team Pld Pts Team Pld Pts Team Pld Pts
Paraguay - 3 5 Iraq - 2 4 Uzbekistan - 2 4
Greece - 3 5 Chile - 2 4 Croatia - 2 4
Mali - 3 2 England - 2 2 Uruguay - 2 3
Mexico - 3 3 Egypt - 2 0 New Zealand 2 0

Hriattirna :

LENGPUI VC HRIATTIRNA
1. Lengpui ramchhunga huan leh ram nei zawng zawng te’n July 15, 2013 ral hma ngeiin mahni huan ram china vantlang kawng kal tlang te chu felfai taka samfai vek tur a ni. Kawng ba vai lo an awm chuan VC-ah report zel tur a ni.
2. Faina leh thianghlimna kawngah hma kan sawn zel theih nan chhungtinin July 15, 2013 ral hma ngeiin mahni In leh a vel te tihfai tur a ni. Vantlang kawng kama bungrua leh hmanrua dah hnawk te pawhin thenfai vek tur a ni e.
3. Sorkar thuchhuahin a sawi angin mautuai leh rawtuai khawrh leh zawrh khap a ni a. Chutianga tilui an awm a man an nih chuan Environment & Forest Deptt. chuan a tul angin an chungah action a la zel dawn a ni.

Sd/- H. LALREMRUATA
President, Lengpui Village Council
Dated Lengpui - 29th June, 2013 

Notice
Presbyterian English School, Lengpuia kum 2012 -2013 Session-a Minority Scholarship dil, a tira hmulo te tan additional scholarship a lo thleng leh a. Sikul Office -ah ngaihven theih a ni e.
Sd/- Principal, 
Presbyterian English Schoo, Lengpui 

::: sms Huang :::
(sms thawnna tur - 9862 180 133)
## ‘Mahni thinrimna hnehtu chuan a hmelma hlauhawm ber a hneh a ni! by Publicius Syrus ...... fr : 8794 766 133
## Sual ngaihboneina chuan min hip vawng vawng a; hmangaihna chuan beiseina thlamuanawm takin min siam thin .... ... fr : Tda
## Venglaia Ui dum leh ui sen eng (a hmul sei chi) neitu te hian an ui hi khuahkhirh ve deuh tawh teh se! Ui hi khawlaiah an lang leh deuh reng tawh mai ....
... fr Lengpui pa
## Aia upa zahna tlachham fe fe, nun awm ze hre hlawl lo kan va tam em! Nu leh pa te u, fanau enkawl kawngah tan ila ang u... ... fr : Mr Sanitation
## Kawngpui tihuh dup khawpa lirthei sil hi a fuh lo khawp mai. Sanitation lam kan hmalakna nen pawh hian a inhmeh thlawt lo ... ... fr : Behbuha
## Khawchhungah fimkhur lo taka lirthei khalh kan la awm nual mai. Midang ngaihchanna nei miah lo va lirthei kawng sira hung mai pawh kan la thahnem viauin a hriat. Kan kawngpuite hi a chep reuh si a, midang i kian thiam thin ang u. Kawng sirah midang dip run lovin lirthei hi a hun theih khawp mai ... fr: BKa

Editorial : ‘sms Huang Leh Kan Thil Thlir Dan’ 
Lengpui Weekly-ah hian chhiartu te’n khawtlang hmasawnna tura an veizawng te an thailan ve theih nan tiin ‘sms huang’ hran siam a ni a. He column te hi thenkhat te’n infuihna lam hawi leh insiamthat nan te, inchawimawi an te an hmang tangkai thin a, a lawmawm em em laiin thenkhat te’n tu emaw kan ngei zawng nge nia, kan huat zawng tih pawh hriatloh te diriam nana hman tum kan awm thin bawk a. Chanchinbu enkawltu te’n a ruahmanna leh tumdan an lo neih piah lam thil thleng a awm thin avang hian a chang chuan ‘sms huang’ atana thuthawn thenkhat chu tihchhuah loh a ni thin a, thenkhat chhuah tak te pawh rilru nuam lo tak chunga tarlan a awm bawk thin.
Khawtlang hmasawnna leh changkanna tur duhtu vek kan ni ngei ang. Amaherawhchu, sir khat khat atang chauha thil kan thlir thin chuan a he thin a, fello a awm thei thin. Mi tuemaw te han tihmualpho kan chak tlat mai thin hi keimahni ngei pawh inenfiah thei ila a tha ngawt ang. Mi intihmualpho hrim hrim hi a tha lo va, rilru na taka insiam hi a dik lo a ni. Chuvangin, mipui vantlang khawih thilah felhlel leh diklo emaw, mimal chungchanga lungawilohna emaw kan nei a nih pawhin a lan chhuahtir dan kan thiam a pawimawh dawn khawp mai.
Kan damdawi In chungchangahte, kan VC te chungah te, kan retailer te chungah emaw, Cable Tv operator chungah te emaw, Auto/sumo/taxi chungah emaw, dawrkai chungah emaw lungawi lohna kan neih hian a chhan dik tak hriat chian hmaa midang han puhmawh a, tihmualpho kan chak tlat thin hi sim thei ila. Kan lungawilohna chu a thlenna tur hmun dik takah thlen thin ila. Mi tuemaw kan huat zawng a nih vanga tihmualpho kan tum chhung chuan insiamthat a harin a rinawm. Kan dikna leh chanvo chang tur hian huaisen takin zawt fiah ngam thin ni ilang chuan kan buaina tam tak hi a kiang ngei ang.

“Kan Lawm E - Hman ni khan kan Sumo Driver te chungah lawmthu kan sawi a, Tv Hmingsanga of LR Travel kha kan lo hmaih palh a, kan hmaih palh ber hian chanchinbu min rawn hawn leh nghal, a chungah kan lawmin thupha kan chawi nghal bawk a ni ........ Lengpui Weekly”